İşçilərin iş vaxtından artıq işlәrin görülmәsinә cәlb olunması ilə bağlı bildiriş (Nümünəvi forma)

Satışı davam edən “A-dan Z-yə Kargüzarlıq” (IV nəşr) kitabından seçmə

Misal. Bakı şəhərində baş verən güclü yağışdan sonra yeraltı tunellər su ilə dolduğundan kabellər sıradan çıxıb, bəzi abonentlərin internet və sabit telefonla təchizatında fasilələr yaranıb. Bu zaman ATS-lərarası kabellərin təmirini həyata keçirən müəssisənin işçilərinin iş vaxtından artıq işləməsinə ehtiyac yaranır, çünki iş vaxtı ərzində zərər görmüş kabellərin hamısını bərpa etmək mümkün olmur. Bu zaman işçilərin iş vaxtından artıq işlәrә cәlb olunması ilә bağlı onlara ünvanlanmış bildirişin nümunәvi forması aşağıdakı mәzmunda olur:

 “Alov” MMC-nin Təmir sexinin işçilərinə

Bildiriş

İşçilərin iş vaxtından artıq işlәrin görülmәsinә cәlb olunmasının zәruriliyi barәdә

22 iyun 2020-ci il tarixində Bakı şəhərində baş vermiş güclü leysan xidmət göstərdiyimiz bəzi sahələrdə ATC-lərarası yeraltı kabellərin sıradan çıxmasına səbəb olmuşdur. 23 iyun 2020-ci il tarixində, iş vaxtı ərzində qəzanın nəticələrinin tam şəkildə aradan qaldırılması mümkün olmamışdır. Bu səbəbdən Sizi 23 iyun 2020-ci il tarixindә iş vaxtı bitdikdәn sonra işdә qalıb işlәmәyin vacibliyi barәdә mәlumatlandırıram.

Sizә iş vaxtından artıq işlәrә cәlb olunduğunuz hәr saata görә saatlıq tarif (vәzifә) maaşınızın ikiqat mәblәğindәn aşağı olmamaqla әmәk haqqı ödәnilәcәk.

Direktor ________ Nәbili N.N.

Tarix _________

Bildirişi aldım, 22 iyun 2020-ci il tarixindә iş vaxtından artıq işә cәlb olunmağa razıyam.

____________ Әliyev N.Ş.

Tarix _________

 Hal-hazırda satışı davam edən NƏŞRLƏRİMİZ