Ziddiyyətli Məqam: Qanuna əsasən kimlər əmək haqqını MÜTLƏQ OLARAQ Nağdsız ödəməlidir?

“Əmək Münasibətləri: A-dan Z-yə 2018” kitabından seçmə

Aktuallığını nəzərə alaraq nağdsız ödənişlərlə bağlı bir mühüm məsələni də dəqiqləşdirmək istəyirik. Bir qədər əvvəl əməkhaqqıları nağd ödəmək hüquqi olan şəxslərin siyahısında ƏDV ödəyicilərinin olduğunu gördünüz. Hətta Vergilər Nazirliyi nağdsız hesablaşmalarla bağlı sualı cavablandırarkən bildirib ki, ƏDV ödəyiciləri əməkhaqqıları nağd yolla ödəyə bilərlər.

Gəlin, məsələyə daha kompleks və dərindən yanaşaq.

Mümkündür ki,  ticarət, iaşə, xidmət sahələrində ixtisaslaşmış ƏDV ödəyicilərinin son ardıcıl 12 aylıq dövriyyəsi 200 min manatdan aşağı olsun. Bu halda onlar işçilərə əməkhaqqıları nağd şəkildə ödəyə bilərlər, qanunvericilik bunu qadağan etmir. Həmin ƏDV ödəyicilərinin 13-cü ayda son 12 aylıq dövriyyəsi 200 min manatlıq həddi aşa bilər. Belə olan halda onlar əməkhaqqını artıq nağd yox, nağdsız ödəməlidirlər. Oda mümkündür ki, 14-cü ayda son 12 ayın dövriyyəsi azalsın və 200 min manatdan aşağı düşsün. Bu zaman həmin ƏDV ödəyiciləri yenidən əməkhaqqıları nağd şəkildə ödəmək hüququ qazanır. Göründüyü kimi belə ƏDV ödəyiciləri üçün müvafiq qanunvericiliyin tələblərinə uyğun olaraq əməkhaqqıların ödənilməsinin nağdsız həyata keçirilməsini tənzimləmək çox çətindir. Fikrimizcə, qanunun 3.4.4.-cü maddəsində boşluq var. Həmin maddədə əməkhaqqıların nağdsız ödənilməsi dövriyyəsindən asılı olmayaraq ƏDV ödəyicilərinə şamil edilməməlidir.

Bütün hallarda oxuculara tövsiyə edirik ki, fəaliyyət sahəsindən, mülkiyyət növündən, hansı vergi ödəyicisi kimi uçota alınmasından asılı olmayaraq uçotun şəffaflığı baxımından əməkhaqqıları (o cümlədən, işəgötürən tərəfindən ödənilən, qanunvericiliklə müəyyən edilmiş digər ödənişləri), pensiyanı, təqaüdü, maddi yardımı, müavinətləri (o cümlədən, birdəfəlik müavinətləri), kompensasiyaları və təzminatları nağdsız formada ödəsinlər.

“Əmək münasibətləri A-dan Z-yə 2018” kitabı SATIŞDA