HR menecerin namizədə QEYRİ-ADİ İMTİNA SƏBƏBİ

HR menecer vəzifəsində çalışan Zərnigar Bağırova iştirak etdiyi intervüdə ona verilən imtina halı ilə bağlı maraqlı status paylaşıb:" Ayın 10da bir müsahibəyə getmişdim. "İnsan Resurları üzrə mütəxəssis" vakansiyasına görə. Müsahibəni "İnsan Resursları üzrə menecer" aparırdı. 15dəq.sonra həmin menecer əlində suallarla dolu olan kağızla və Əmək məcəlləsi kitabıyla içəri daxil oldu. Özünüzü təqdim edin ənənəvi sualından sonra başladı kağızda yazdığı sualları bir bir verməyə. Kağızdakı suallar bitəndən sonra əmək məcəlləsini açıb başladı ordan sual verməyə. Bütün suallarına cavab versəmdə müsahibənin sonunda mənfi rəy aldım. Müsahibəni aparan həmin "HR menecer" gülə-gülə dediki xanım yaxşı namizədsiniz ancaq mən axtardığım namizəd deyilsiniz ona görə sizi işə götürə bilməyəcəm. Soruşdum niyə? Dedi xanım açığını deyim siz gələcəkdə mənim yerimi tuta biləcək namizədsiniz ona görə özümü riskə ata bilmərəm. Eynən bu cürədə dedi. Söz tapıb deyə bilmədim. Bilmədim suallarına cavab verdiyim üçün sevinim ya pis olum ?. O gündən düşünürəm ancaq cavab tapa bilmirəm. Görəsən müsahibəni bu formada aparan bir HR menecer işi necə idarə edir??"