HR-ın intervüdə boşanma ilə bağlı sualı verməsi halına DƏSTƏK və SƏRT TƏPKİ

Məlumat verdiyimiz kimi, tanınmış HR mütəxəssis Elnarə Mahmudova linkedin səhifəsindəki statusunda bildirmişdi ki, işə qəbulla bağlı intervyü zamanı namizədə boşanma ilə bağlı sualların verilməsi HR tərəfindən qeyri-etik sayılmamalıdır. Qeyd edilən məsələ bağlı HR mütəxəssislərin münasibətləri fərqli olduğundan, maraqlı yanaşmaları oxucularımla paylaşmağa qərar verdik. 

Məşhur dövlət orqanının insan resursları idarəsində çalışan, peşəkar mütəxəssis Kamran Məmişov müəyyən məsələrdə Elnarə xanım mövqeyi ilə razılaşdığını bildirib: "HR mütəxəssisinin namizədlə bağlı bütün informasiyanı əldə etmək bacarığı olmalıdır. Bunu namizədin özündən, təqdim etdiyi sənədlərdən, onun köhnə iş yerindən, yaşadığı yerdən və s əldə edə bilər. Bir şərtlə ki, bu işçinin narazılığına səbəb olmasın. HR mütəxəssisi işçi alıcısıdır. Heç kim keyfiyətsiz alış etmək istəməz. Amma unutmaq olmaz ki qarşındakı insandır və hissləri var."
Kamran müəllimdən fərqli olaraq, xarıcdə İnsan Resursları üzrə təhsili almış, tanınmış HR mütəxəssisi, təlimçi Nazim Əliyev isə bu məsələyə daha sərt təpki verib: "Müsahibələrdə bu kimi sual vermək nəinki İngiltərə qanunvericiliyi özünü ümumbəşəri dövlət adlandıran bütün ölkələrin o cümlədən Azərbaycanın qanunlarına görə hüquqi məsuliyyət yaradır. Bu insanların əsas haqlarını pozur bu misalda cinsi ayrı seckilikdən söhbət gedə bilər. HR dan xəbəri olmayan adamların HR adlandirilmalari bundan artıq nəticə verə bilməz."