HR-ların intervyu sualı ilə bağlı müzakirə obyekti olan məşhur STATUS

Tanınmış HR mütəxəssisi,  Elnarə Mahmudova linkedin səhifəsindəki statusunda apardığı intervyülərla bağlı müşahidələrini paylaşıb: " Son həftənin müşahidələri... Son günlər ən çox boşanmış insanlarla müsahibə aparıram. Soruşanda ki,(HR kimi bunu soruşa bilərik qeyri etik sayilmir) səbəb nə idi. Deyirlər: 2-3 ay idi evli idik, dalaşdıq hirslə ərizə verdik ASANa, razılıq haqqında sual verdilər, valideyinlərin nəzarəti altında hər ikimiz "hə" dedik. 1 saata boşadılar... Heç bilmədik niyə boşandıq.. ASAN-ı çox bəyənirəm amma bu boşanma sistemini çox böyük səhv bilirəm. 2-3 ay məncə cütlükləri vaxt verməlidirlər.
Hirslə girib ziyanla çıxırlar. Birdə 500 manat qazanan xanımlarımız özünü fövqaladə "business lady" sayirlar. Ailəni karyeraya qurban verirlər. Artıq boşanmanı "ar" bilən yoxdur təəssüf..."

Maraqlıdır ki. Elnarə xanımın bu paylaşması bəzi HR-lar və işaxtaranlar tərəfindən birmənalı qarşılanmayıb. Narazı olan bildirirlər ki, HR menecerinin namizədin ailə vəziyyəti ilə bağlı sual verməsi düzgün deyil. Sevinc Qarakişiyeva adlı HR mütəxəssisi bildirib ki, namizədə bu tip sualların verilməsini düzgün hesab etmir: "Britaniya qanunvericiliyinə görə namizədlərə şəxsi həyatı, milliyəti və xəstəlikləri ilə bağlı suallar vermək qəti qadağandır. Digər tərəfdən HR statusumuz bizə namizədlərə xoş olmayan suallar vermək səlahiyyəti vermir".

 “Əmək münasibətləri A-dan Z-yə 2018” kitabı SATIŞDA

Kitab 19 fəsildən, 464 səhifədən ibarətdir. Praktiki vəsaitdir, sadə və anlaşıqlı dildə yazılıb, işçinin işə götürülməsindən başlayaraq işəgötürən tərəfindən aparılmalı olan, dövlət qurumları qarşısında hesabatlılıq da daxil olmaqla, bütün prosedurları əhatə edir, hesablamalar və nümunəvi formalarla zəngindir. İndiyədək 6 dəfə təkmilləşdirilərək nəşr olunub. Sonuncu nəşri 12 fevarl 2018-ci ilə təsadüf edir. Hazırda satışı davam edir.