Nöqsanı olan işçiyə intizam tənbehi vermək vəya işdən azad etmək üçün müddət məsələləri necə gözlənilməlidir?

Sual: Nöqsanı olan işçini işdən azad etmək üçün müddət məsələləri necə gözlənilməlidir?

Müşfiq Əmircanovun qeydi:  Əmək Məcəlləsinin 70-ci maddəsinin “ç” (işçi özünün əmək funksiyasını və ya əmək müqaviləsi üzrə öhdəliklərini yerinə yetirmədikdə, yaxud Əmək Məcəllənin 72-ci maddəsində sadalanan hallarda əmək vəzifələrini kobud şəkildə pozduqda) bəndi ilə işçi işdən çıxarılarkən qanunvericilikdə intizam tənbehi ilə nəzərdə tutulan şərtlərə əməl etmək lazımdır.  Misal üçün, nöqsanı aşkar edilən işçinin Əmək Məcəlləsinin 70-ci maddəsinin “ç” bəndi ilə azad etmək istəyirik. Amma nöqsanın aşkar olunma tarixdən müəyyən müddət keçib. Bu zaman qanunvericiliyin tələblərinə diqqət yetirməliyik. Qanunvericilikdə bildirilir ki, nöqsan aşkar olunduğu tarixdən 1 ay müddətinə tədbir görülməlidir. Həmçinin də, nöqsanın baş vermə və aşkar olunma tarixi 6 aydan çox olmamalıdır. Yəni işçinin nöqsanın baş vermə tarixindən 7 ay keçibsə, onu aşkarlamağımızın heç bir anlamı qalmayacaq və intizam tənbehi verə bilməyiciik. Həmçinin də, işçini Əmək Məcəlləsinin 70-ci maddəsinin “ç” bəndi ilə azad etmək hüququmuz yoxdur. Təbii ki, burda müəssisənin təsərrüfat fəaliyyətinin auditi nəzərdə tutulmur, bu halda iki illik müddət tətbiq olunur.

Qeyd edək ki, bu fikirlər tanınmış HR mütəxəssisi Müşfiq Əmircanovun "Əmək müqaviləsinə xitam verilməsinin əsasları və qaydaları" adlı canlı yayımında səsləndirilib. "Business Management School" MMC təşkilatçılığı ilə təşkil olunan canlı yayımda Müşfiq müəllim maraqlı məqamlara toxunduğu üçün bəzi məqamları saytımızda dərc etməyi planlaşdırırıq.
Mks.az saytı olaraq, bu cür maarifləndirici layihəyə görə. "Business Management School" MMC və Müşviq Əmircanova təşəkkürümüzü bildiririk.