İşçi iki xəstəlik vərəqəsi təqdim edərsə, müavinət necə hesablanmalıdır?

"Əmək Münasibətləri: A-dan Z-yə 2018" kitabından seçmə

Tutaq ki, «AA» firmasında  çalışan Əliyev Nazim  Məmməd oğlu 01.10.2013-cü il tarixindən 26.10.2013-cü il tarixinə kimi əmək qabiliyyətini müvəqqəti itirmək haqqında xəstəlik vərəqəsini firmaya təqdim edib. 27.10.2013-cü il tarixində işçi işə çıxsa da, 03.11.2013-cü il tarixində yenidən halı pisləşib və 30.11.2013-cü il tarixinə kimi əmək qabiliyyətini itirdiyindən  yenidən xəstəlik vərəqəsini firmaya təqdim edib. 01.12.2013-cü il tarixində isə normal əmək fəaliyyətinə başlayıb.

Bu halda işçinin birinci və ikinci xəstəlik vərəqəsi fasilələrlə təqdim olunduğundan, daha doğrusu, işçinin əmək qabiliyyətinin itirilməsi dövrləri arasında fasilələr olduğundan, o, 27.10.2013-cü il tarixindən 03.11.2013-cü il tarixinə kimi işlədiyi üçün firma tərəfindən iki dəfə 14 günün müavinəti verilir və qalan günlər isə DSMF orqanları tərəfindən ödənilir. Belə ki, 01.10.2013-cü il tarixindən 26.10.2013-cü il tarixinə kimi 26 günün 14 gününə düşən hissəsinin müavinətini firma, qalan hissəsini isə DSMF orqanları ödəyəcək. Həmçinin, 03.11.2013-cü il tarixindən 30.11.2013-cü il tarixinə kimi olan 27 günün 14 gününə düşən hissəsini firma, qalan hissəsini isə DSMF ödəyəcək.