İşçi Əmək məzuniyyəti dövrü xəstələnərsə, müavinət hesablanmalıdır?

"Əmək münasibətləri: A-dan Z-yə" kitabından seçmə

İşçi əmək məzuniyyəti dövründə əmək qabiliyyətini itirərsə, ona xəstəlik vərəqəsinə əsasən müavinət verilir. Yaddınızdadırsa, qeyd etmişdik ki, əmək fəaliyyəti olmayan dövrdə işçinin əmək qabiliyyəti itirilərsə, ona müavinət verilmir. Amma növbəti əmək məzuniyyəti dövrü burada istisna təşkil edir. Məsələyə məntiqlə yanaşaq. Həqiqətən də, işçiyə əmək məzuniyyəti dövründə baş vermiş  əmək qabiliyyətinin itirilməsi ilə bağlı müavinət verilməlidir. Birincisi, ona görə ki, işçi əmək fəaliyyəti ilə məşğul olur və buna görə də mükafat kimi əmək məzuniyyəti qazanır, yəni bu əmək məzuniyyəti əmək fəaliyyətindən yaranır. İkincisi isə, əmək məzuniyyətinin məbləğinə məcburi sosial sığorta hesablanılır və ödənilir.