Hansı məzuniyyət dövrü işçi xəstələnərsə, ona müavinət hesablanmır?

"Əmək Münasibətləri: A-dan Z-yə 2018" kitabından seçmə

Hər bir işçi əmək fəaliyyəti dövründə əmək qabiliyyətini müvəqqəti itirərsə, onun həmin dövr üçün müavinət almaq hüququ var. Bəs, görəsən, işçi bu müavinəti hansı dövr üçün əldə edə bilər? Sadə bir misala baxaq.

Tutaq ki, işçi Əliyev Nazim Məmməd oğlu «AA» firmasında 4 ildir ki, işləyir və oktyabr-noyabr 2013-cü il tarixlərində öz hesabına ödənişsiz məzuniyyətə çıxıb. Məzuniyyət vaxtı işçi əmək qabiliyyətini 15 gün müddətində müvəqqəti itirib. Tutaq ki, xəstələnib. Bu halda işçi ödənişsiz məzuniyyətdən qayıdan zaman xəstəlik vərəqəsini müəssisəyə təqdim etsə də, müəssisə və DSMF orqanları həmin işçiyə müavinət ödəməyəcək. Ona görə ki, ödənişsiz məzuniyyət dövründə işçiyə əməkhaqqı hesablanılmadığından məcbüri dövlət sosial sığorta haqqı da hesablanılmır. Necə deyərlər, oktyabr-noyabr 2013-cü ildə işçinin əmək fəaliyyəti olmayıb. Baxmayaraq ki, işçi həmin firmada 4 ildir ki, işləyir, ona müavinət ödənilməyəcək.

Bu prinsip işçinin uşağa qulluğa görə sosial məzuniyyətdə olduğu hala da tətbiq  olunur. İşçi uşağa qulluğa görə məzuniyyətdə olduğu dövrdə əmək qabiliyyətinin itirərsə, DSMF orqanları tərəfindən ona müavinət ödənilmir.

“Əmək münasibətləri A-dan Z-yə 2018” kitabı SATIŞDA