İstifadə olunmamış məzuniyyətə görə kompensasiyanın hesablanması- MISAL

"Əmək Qanunvericiliyi Toplusu və Şərhlər 2018" kitabından seçmə

Sual: İstifadə olunmamış məzuniyyətə görə kompensasiyanın hesablanması necə həyata keçirilir? Mümkündürsə, sualın cavabını konkret misal üzərindən şərh edərdiniz?

Cavab: Sualınızın cavabına misal üzərində baxaq. Tutaq ki, işçi 01.02.2017-ci il tarixində əmək müqaviləsi ilə işə daxil olub. İşçinin işlədiyi müddətdə əmək haqqı aşağıdakı kimi olub:

1. Fevral 2017 - 200 manat;
2. Mart 2017 - 200 manat;
3. Aprel 2017 - 300 manat (200 manat əmək haqqı + 100 manat bonus)
4. May 2017 - 200 manat;
5. İyun 2017 - 200 manat;
6. İyul 2017 - 200 manat;
7. Avqust 2017 - 200 manat;
8. Sentyabr 2017 - 200 manat;
9. Oktyabr 2017 - 200 manat;
10. Noyabr 2017 - 250 manat (200 manat əmək haqqı + 50 manat bonus).

CƏMİ: 2 150 manat

İşçi 01 Noyabr 2017-ci il tarixində ərizə yazıb ki, onu 01 dekabr 2017-cı il tarixindən işdən azad etsinlər.

Bu halda hesablama aşağıdakı şəkildə aparılmalıdır:

1. a) Öncə 1 aya düşən məbləği tapırıq: 2150 manat /10 ay = 215,00 manat
2. b) Sonra 1 günə düşən məbləği müəyyənləşdirirk – 215,00 manat /30,4 = 7,07 manat
3. c) Daha sonra tənasüb üsulundan istifadə edərək işçiyə düşəcək məzuniyyət günlərini tapmaq lazımdır:

12 ay  -------- 30 gün

10 ay ----------X gün

X = (10 ay x 30 gün)/12 ay= 25 gün

d) Yekunda istifadə edilməmiş məzuniyyət günlərinin sayına hesablanan məbləği tapırıq - 25 gün x 7,07 manat= 176,81 manat

Beləliklə, işdən azad olunan işçiyə istifadə edilməmiş məzuniyyətə görə ödəniləcək kompensasiya məbləği 176,81 manat təşkil edəcək.

“Əmək münasibətləri A-dan Z-yə 2018” kitabı SATIŞDA