Tanınmış işə qəbul üzrə mütəxəssisdən namizədlərə CV hazırlamaq üçün dəyərli məsləhətlər

Tanınmış işə qəbul üzrə mütəxəssis Ofeliya Xanlarzadə linkedin səhifəsində işə qəbul üçün olmaq istəyən namizədlərə CV-lərin hazırlanması ilə bağlı maraqlı məsləhətlər verib. Mks.az saytı olaraq, Ofeliya xanıma məsləhətlərinə görə təşəkkür edirik və daha çox insanların maariflənməsi üçün həmin statusu Sizinlə paylaşırıq: " İş axtaran yoldaşlar, yəqin ki, siz onlarla yerə CV göndərirsiniz və arzulayırsınız ki, sizi müsahibəyə çağırarlar. Amma tez-tez insanlar şikayətlənir ki, "CV-lərimi sanki quyuya atıram - heç bir xəbər gəlmir".

Yoldaşlar, Future Recruitment Center olaraq, elektron poçtumuza gündə yüzdən çox cv gəlir. Rekruter kimi çalışıram ki, maksimum dərəcədə obyektiv olum, eyni zamanda da ən yaxşı namizədi seçim. Bununçün ilkin olaraq, namizəd barədə yalnız bir üsulla məlumat ala bilirəm - CV. Bəzi CV-lər çox gözəldir, səlis, konkret, səliqəli. Yarıdan çoxu isə heç baxılmalı deyil. Ən populyar problemləri sadalayım (hərçənd bu problemləri digər həmkarlar da dəfələrlə vurğulayıblar) ki, səhvləri düzəldərək müsahibəyə çağrılmaq şansınızı artırasınız:

- Şəkilsiz CV - "İnsanın xarici görünüşünün işə nə aidiyyəti var" fikri ilə razı deyiləm. HR daim insanlarla işləyir. Və peşəkar HR insana bir baxmaqla onun haqqında xeyli fikir yürüdə bilir. Şəkil olmayandan sonra adamın ağlına gələn fikirlər bunlardır - ya namizəd Word-də şəkil yerləşdirməyi bacarmır, ya da özündən əmin deyil. Hər iki variant xoş deyil. Namizədin gözəl ya çirkin olmağının isə işə aidiyyəti yoxdur, haqlısınız.

- Qeyri-ciddi şəkilli CV-lər - Bu da bir başqa problemdir. Restoranda, məzun günündə, qaranlıq məkanlarda çəkilmiş şəkillər qeyri-peşəkarlıq göstəriciləridir. Şəkilsizdən daha yaxşıdır, amma məqbul deyil. 21-ci əsrdə yaşayırıq, indi şəkil çəkdirmək qədər asan bir şey yoxdur. CV-nizi daha cəlbedici etmək istəyirsizsə, peşəkar görünüşlü, yaxud sadə bir şəkil çəkdirin. 3 dəqiqə vaxt sərf edəcəksiniz.

- İngilis dilində CV - Ölkədə elanların çoxu ana dilimizdə paylaşılır. Mənim elanlarımın hamısı ana dilindədir. Niyə CV-lər ingiliscə gəlir? İngiliscə CV namizədin ingilis dili biliyinin göstəricisi deyil, ehtimal çoxdur ki, CV hazırlanmasında kənar vasitələr və insanlar iştirak edib. Mən məsləhət görərdim ki, xarici şirkətlərə göndərmək üçün ingilis dilində CV ayrı olsun, əsas CV-ni isə öz dilimizdə tərtib edib bu CV-ni göndərəsiniz.
Qeyd: Mənə ingiliscə CV oxumaq qəti problem deyil, ingilis dili səviyyəmdən şikayətim yoxdur. Sadəcə, ingiliscə CV ən azından dilimizə hörmətsizlikdir.

- Qrammatik səhvlər - Elə bu gün bir vakansiya üzrə əla bir namizəd tapmışdım, zəng vurmaq istəyəndə fikir verdim ki, namizəd öz soyadında səhv buraxıb. Məlum oldu ki, qrammatik səhvlər bütün CV boyunca mövcuddur. Zəng vurmadım. İnsan səhv edə bilər, amma səhvini düzəltmək imkanından istifadə etmirsə, bu heç yaxşı göstərici deyil. Çalışın ki, qrammatik və mexaniki səhvləriniz olmasın.

- İş təcrübəsi haqda məlumatın azlığı - Məhz bu hissə HR üçün ən maraqlı hissədir. İş yerləriniz və vəzifə öhdəliklərinizi geniş yazın. PR manager yazmısızsınızsa, bu o demək deyil ki, vəzifə öhdəliklərinizi yazmaya bilərsiniz. Hər şirkətdə PR menecerin öhdəlikləri fərqli ola bilər. Ən yaxşı bacardığınız işlər əvvəldə olmaqla, gördüyünüz işləri sadalayın. Rəsmi stajınız yoxdursa, könüllü fəaliyyətiniz barədə məlumatları yazın. Əsas odur ki, yazın, yola verməyin.

- Yalan məlumatlar - Düşünənlər var ki, əşşi, yazım dil biliklərim super, kim biləcək ki. Çox nahaq. İngilis/rus dili biliyinizi yoxlamaq çox asan məsələdir. Çin dili olsa başqa məsələ. Vakansiyanın dil tələbi varsa, müsahibədə namizədin dil biliyini mütləq yoxlayıram. CV-də yalan yazıldığı məlum olursa, o namizəd bir daha heç yerə çağırılmır. Təəccüblənməyin. Heç kim sevmir ki, ona yalan danışsınlar. Elə siz də sevmirsiz. HR da sevmir.

Və sonda. CV-nizi hazırladıqdan sonra bir daha gözdən keçirin. Dost-tanışa da göstərib fikrini soruşun. Axı HR ilk olaraq sizinlə deyil, CV-niz ilə tanış olur. Çalışın ki, bu tanışlıq sizin haqda düzgün məlumat versin. "Bu ölkədə hər şey daydayladır" deyib, yola verməyin. Yaxşı mütəxəssisi hamı axtarır, birinci elə mən özüm."

“Əmək münasibətləri A-dan Z-yə 2018” kitabı SATIŞDA

 Kitab 19 fəsildən, 464 səhifədən ibarətdir. Praktiki vəsaitdir, sadə və anlaşıqlı dildə yazılıb, işçinin işə götürülməsindən başlayaraq işəgötürən tərəfindən aparılmalı olan, dövlət qurumları qarşısında hesabatlılıq da daxil olmaqla, bütün prosedurları əhatə edir, hesablamalar və nümunəvi formalarla zəngindir. İndiyədək 6 dəfə təkmilləşdirilərək nəşr olunub. Sonuncu nəşri 12 fevarl 2018-ci ilə təsadüf edir. Hazırda satışı davam edir.

Kitabın müəllifi Azərbaycan Respublikasının Auditorlar Palatasının Şura üzvü, sərbəst auditor Altay Cəfərovdur.

Kitab insan resursları mütəxəssisləri və mühasiblər üçün nəzərdə tutulub

Siz sadəcə sifariş edin, biz ünvana çatdırarıq: 
012 564 86 85, 050 368 12 72, [email protected]

Əmək qanunvericiliyi və şərhlər toplusu – 2018 SATIŞDA

15 may 2018-ci il tarixinə olan dəyişikliklərlə 64 normativ hüquqi akt (Əmək Məcəlləsi, qanunlar, fərmanlar, NK və KM qərarları, qaydalar, sərəncamlar və s.),

8 MÖVZUDA ŞƏRHLƏR

 (əmək müqaviləsinin qeydiyyatı, xitamı, əmək kitabçası, sığorta şəhadətnaməsı, əmək haqqı, məzuniyyət, kompensasiya, müavinət  və sosial məzuniyyət hesablamaları, yoxlamalar, güzəştlər, cərimələr və s.)

Xüsusi axtarış rejimli CD disk və ünvana çatdırılma

Siz sadəcə sifariş edin, biz ünvana çatdırarıq: 
012 564 86 85, 050 368 12 72, [email protected]