Sınaq müddətində olan işçinin işin öhdəsindən gələ bilməməsi necə rəsmiləşdirilməlidir?
Satışı davam edən “A-dan Z-yə: Kargüzarlıq” (IV nəşr) kitabından seçmə
Bəzən olur ki, təşkilatlarda sınaq müddəti ilə işə götürülmüş işçinin tabe olduğu şöbənin müdiri xidməti yazı ilə sınağın nəticələri barədə təşkilatın rəhbərini məlumatlandırır. Bu da kargüzarlıq baxımından yolverilən haldır. Ancaq xidməti yazıda işçinin ona tapşırılan işləri yerinə yetirə bilməməsi, özünü doğrultmaması, əmək intizamına əməl etməməsi mütləq faktlarla, sənədlərlə sübut olunmalıdır.
Belə xidməti yazının nümunəvi forması növbəti səhifədəki kimidir:
“Alov” MMC-nin direktoru
Nəbili Nüsrət Nadir oğluna
Satış şöbəsinin müdiri
Qafarov Malik Abbas oğlu tərəfindən
Xidməti yazı
Sınaq müddətində olan işçinin işin öhdəsindən gələ bilməməsi barədə
03 avqust 2019-cu il tarixində 2 aylıq sınaq müddəti şərti ilə satış şöbəsinə menecer vəzifəsinə təyin olunmuş Nəsibov Amil Seymur oğlunun icra etdiyi işlə bağlı bilikləri və peşəkar vərdişləri yetərli olmadığından ona tapşırılan işin öhdəsindən gələ bilmir. Fərdi iş planına uyğun olaraq işçi 2 ay müddətində 6 yeni müqavilə bağlamalı idi. Ancaq 25 sentyabr 2019-cu il tarixinədək o, 1 müqavilə belə bağlamayıb.
Bundan əlavə, Nəsibov Amil Seymur oğlu bu müddətdə əmək intizamını pozmağa meylli işçi olduğunu nümayiş etdirib, komandada işləmək bacarığının əskikliyi, adamayovuşmaz xarakteri ilə gündəmə gəlib. İş vaxtında işə aidiyyəti olmayan saytlarda vaxtını keçirdiyindən ona bir neçə dəfə xəbərdarlıq edilib. Nəsibov Amil Seymur oğlu bir ay müddətində üzrsüz səbəbdən (işçinin izahatları əlavə olunur) iki dəfə işə gecikib.
İşçinin sınaq müddətinin 03 oktyabr 2019-cu il tarixində bitdiyini nəzərə alaraq diqqətinizə çatdırıram ki, Nəsibov Amil Seymur oğlu sınaq müddətində heç bir qiymətləndirmə meyarı üzrə özünü doğrultmayıb.
Qoşma:
- Nəsibov Amil Seymur oğlunun fərdi iş planı, 1 nüsxə, 2 vərəq;
- 15 avqust 2019-cu il tarixində işə gecikməklə bağlı işçinin izahatı,
1 nüsxə, 1 vərəq;
- 21 avqust 2019-cu il tarixində işə gecikməklə bağlı işçinin izahatı,
1 nüsxə, 1 vərəq.
________ Qafarov M.A.
26 sentyabr 2019-cu il
Hal-hazırda satışı davam edən NƏŞRLƏRİMİZ
1) "Vergi Məcəlləsi: Ümumi hissəsinin izahı" -qiymət 45(40) manat (Satışına start verilib)
2) Vergi uçotu: A-dan Z-yə kitabı (V nəşr) - qiymət 40 (35) manat (Satışına start verilib)
3) Əməyin uçotu: A-dan Z-yə kitabı - qiymət 45 (40) manat (Satışına start verilib)
4) “A-dan Z-yə Kargüzarlıq” (IV nəşr) - qiymət 40 (35) manat (Satışına start verilib)
5) Vergi Qanunvericiliyi və Testlər Toplusu - qiymət 35 (30) manat (Satışına start verilib)
6) Əmək Qanunvericiliyi və Testlər Toplusu - qiymət 35 (30) manat (Satışına start verilib)
Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.
Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.
Qeyd 3. Kitabların qiymətinə istənilən ünvana çatdırılma və CD-disk daxildir.
Sifarış üçün əlaqə vasitələri: 050-368-12-72, 012-564-86-85 və ya