Elektron informasiya sistemində hansı hallarda struktur vahidinin silinməsi həyata keçirilir?

Satışı davam edən “A-dan Z-yə: Kargüzarlıq” (IV nəşr) kitabından seçmə

Mümkündür ki, struktur vahidinin daxil edilməsi zamanı səhvə yol verilsin. O halda səhv silinməlidir. Ümumilikdə isə, silinmə 3 səbəbdən aparıla bilər:

- İxtisar;

- İş yerinin ləğvi;

- Səhv daxil etmə.

Yuxarıdakı qeyd etdiyimiz kimi ştat cədvəlinə dəyişikliklərin rəsmiləşdirilməsi ilə bağlı müvafiq bölmədə ətraflı məlumat (əsaslandırma) təqdim etdiyimizdən təkrarçılığa yol vermirik. Sadə şəkildə tərtib olunmuş əmr forması üzərindən struktur vahidinin ixtisarını nəzərdən keçirək.

Tutaq ki, təşkilatımızda 1 ştat vahidi redaktor, 1 ştat baş redaktor vəzifəsi olan redaktorluq struktur vahidi var. Təşkilatın maliyyə vəziyyəti pisləşdiyindən, gəlirlər kəskin şəkildə azaldığından işəgötürən qərara alır ki, struktur vahidini (bölməsini) ixtisar etsin. Bu halda ştat cədvəlinə aşağıdakı şəkildə dəyişiklik edilməsini nəzərdə tutan əmr imzalanmalıdır.

Blank “Alov” MMC

ƏMR

№________

Bakı şəhəri                                          ____ ___________________2020-ci il

Ştat cədvəlində dəyişiklik edilməsi haqqında

“Alov”MMC-nin təşkilati struktrunun təkmilləşdirilməsi məqsədilə

ƏMR EDİRƏM:

1. Cəmiyyətin direktorunun ____ ______ 2020-ci il tarixli, ____№-li əmri ilə təsdiq olunmuş 1 yanvar-31 dekabr 2020-ci iş ili üçün ştat cədvəlində aşağıdakı dəyişiklik edilsin:

1.1.  1(bir) ştat vahidi redaktor, 1 (bir) ştat vahidi baş redaktordan ibarət “Redaktorluq” struktur vahidi (bölməsi) ixtisar edilsin.

1.2. Ştat cədvəlindəki dəyişiklik barədə məlumatlar elektron qaydada “Məşğulluq” altsisteminə daxil edilsin.

1.3. Əmrin icrasına nəzarət Kadrlarla iş şöbəsinin müdiri Ağazadə Nazlı Həsənağa qızına həvalə olunsun.

Direktor _______ Nəbili N.N.

Tarix: ________

Təbii ki, bu bölmədə nümunəvi formaları təqdim etdikdə ancaq ştat cədvəli ilə bağlı məsələləri əhatə etməyə çalışırıq. Unutmayın ki, işçi ixtisara düşdükdə və ya onun vəzifəsi ləğv edilərək ştat cədvəlindən çıxarıldıqda müəyyən müddətləri nəzərdə tutan xəbərdarlıq prosedurundan istifadə olunmalı və ona Əmək Məcəlləsinə müvafiq olaraq son haqq-hesab və işdənçıxma müavinətlərinin verilməsini nəzərdə tutan rəsmiləşdirmələr həyata keçirilməlidir. Bu barədə kitabın digər bölmələrində ətraflı məlumat verilib.

Mks.az saytının növbəti ödənişli tematik Təlimi: “İş vaxtının cəmlənmiş uçotu: A-dan Z-yə”

Azərbaycanda ilk dəfə, bu mövzuda misallarla bütün mümkün variantların izahı!

Tarix: 04 dekabr 2021-ci il, saat 15:00

Təlimin keçirilmə yeri: Caspian Plaza