İşçilərin ixtisarı zamanı hansı şəxslərə üstünlük verilməlidir? (2 MİSALLA İZAH)

Satışı davam edən “Əməyin uçotu: A-dan Z-yə” kitabından seçmə

Əmək Məcəlləsinin 78-ci, “İşçilərin ixtisarı zamanı işdə saxlanmağa üstünlüyü olan şəxslər” maddəsinin birinci hissəsinə əsasən, müvafiq hallarda işçilərin sayı azaldılarkən və ya ştatların ixtisarı həyata keçirilərkən müəyyən vəzifələr üzrə əmək funksiyasının icrası üçün tələb olunan ixtisasın (peşəsinin) və peşəkarlıq səviyyəsinin daha yüksəyinə malik olan işçilər işdə saxlanılır. İşçinin peşəkarlıq səviyyəsini işəgötürən müəyyən edir.

Mİsal 1. İşəgötürən maliyyə vəziyyətinin pisləşməsini əsas gətirərək, maliyyə departmentində işləyən beş mühasibin üçünü ixtisar etmək qərarına gəlir. Burada maraqlı məsələ ixtisar olunacaq işçilərin müəyyənləşdirilməsidir. Müxtəlif yanaşmalar ola bilər, onlardan biri də işçilərin təhsil məsələsidir. Yəni, işəgötürən qərar verə bilər ki, yalnız mühasibat uçotu ixtisasi üzrə ali təhsili olan işçilər işdə saxlanılsın, orta ixtisas təhsilli və ya mühasibat uçotu ixtisasını bitirməyən işçilər ixtisar olunsun.

Mİsal 2.  İşəgötürən qərar verir ki, satış meneceri vəzifəsində çalışan 10 işçidən 6-sı ixtisar olunsun. İşəgötürən ixtisar olunan işçilərin müəyyənləşdirilməsi üçün komissiya yaradır. Komissiya satış işçilərinin bilik və bacarıqlarının qiymətləndirilməsi ilə bağlı imtahan keçirir və nəticələri işəgötürənə təqdim edir. İşəgötürən qərar verir ki, 100 mümkün baldan 70-dən aşağı bal toplayan işçilər ixtisar siyahısına daxil edilsin.

2021-ci ilin iyul ayında satışda olan kitablar: