Natamam iş vaxtında əməyin ödənilməsi necə həyata keçirilməlidir?

Satışı davam edən “Əməyin uçotu: A-dan Z-yə” kitabından seçmə

Əmək Məcəlləsinin 171-ci, “Natamam iş vaxtında əməyin ödənilməsi” maddəsində də qeyd edilir ki, bu Məcəllədə nəzərdə tutulan qaydada natamam iş günü və ya natamam iş həftəsi ilə işləyən işçilərə əmək haqqı işə sərf edilmiş vaxta mütənasib və ya görülən işin faktik hasilatına görə ödənilir.

Mİsal. İşəgötürən ixtisassız işçi ilə minimum əmək haqqı olan 250 manatlıq əmək müqaviləsi bağlayıb. İşəgötürən və işçi arasında razılaşmaya əsasən, natamam iş vaxtına keçdiyi üçün işçi hər iş günü 7 saat işləyəcək. İşəgötürən işçinin natamam iş vaxtına keçməsini nəzərə alaraq ona 150 manat əmək haqqı  müəyyənləşdirir. Artıq bu qalnunvericiliyə ziddi qərar hesab olunur. Çünki tam iş saatına görə minimum aylıq əmək haqqı 250 manat müəyyən edilibsə, o zaman gündəlik 7 iş saatına ən azı 218,75 manat ((250 manat x 7 saat) / 8 saat) əmək haqqı müəyyən edilməlidir.

Əmək Məcəlləsinin 94-cü maddəsinin 5-ci hissəsinə əsasən, əmək funksiyasını natamam iş vaxtında yerinə yetirən işçilərin Əmək Məcəlləsi və ya əmək müqaviləsi ilə müəyyən edilmiş əmək hüquqlarının hər hansı şəkildə məhdudlaşdırılması yolverilməzdir.

Bəzi işəgötürənlər hesab edirlər ki, işçi natamam iş vaxtı ilə çalışdığı üçün Əmək Məcəlləsi ilə müəyyən edilən normalar da ona müvafiq hesablanmalıdır. Misal üçün, mütəxəssis kimi çalışan işçi gündə tam iş vaxtının yarısı qədər - 4 saat işləyirsə, bu məntiqlə ona əsas məzuniyyət 30 yox, 15 gün verilməlidir. Xeyr, işçinin tam iş vaxtı ilə, yoxsa natamam iş vaxtı ilə çalışmasının nə əmək məzuniyyətinə, nə də müavinətlərin hesablanmasına hər hansı təsiri yoxdur.

2021-ci ilin iyul ayında satışda olan kitablar: