Ezamiyyələrin verilməsi necə rəsmiləşdirilməlidir?

Satışı davam edən “A-dan Z-yə: Kargüzarlıq” kitabından seçmə

 Xidməti ezamiyyətə göndəriləcək işçi haqqında yazılan xidməti yazının təsdiq olunmuş forması olmadığından biz aşağıdakı belə sənədin formasını təqdim edirik. Siz müvafiq sətirləri doldurmaqla ezamiyyə üçün əsas verən uyğun xidməti yazı forması tərtib edə bilərsiniz.

_____________ direktoru

________________________

                                                                                                                 rəhbərin S.A.A

                                                                                              _______________________

                                                                struktur bölməsinin rəhbərinin vəzifəsi

                                                                                              _______________________

                                                    struktur bölməsinin rəhbərinin S.A.A.

tərəfindən

Xidməti yazı

İşçinin ezamiyyətə göndərilməsi haqqında

Ezamiyyətə göndərilməsi təklif edilən işçi: _____________________

                        soyadı, adı, atasının adı

Ezamiyyətə göndərilməsi təklif edilən işçinin vəzifəsi: ____________

Ezamiyyətin müddəti: ___ _________ 2019-cu ildən ____ __________ 2019-cu ilə kimi (cəmi ___ gün).

Xidməti tapşırığın məzmunu: ___________________________ _____________________________________________________ _____________________________________________________

Ezam olunacağı yaşayış məntəqəsi: _________________________

________________        ___________        _____________________

struktur bölməsinin rəhbərinin vəzifəsi        imzası  soyadı, adı, atasının adı

Təşkilatın rəhbəri tərəfindən xidməti yazının üzərinə müsbət dərkənar qoyulduqdan sonra kadrlarla iş şöbəsi tərəfindən işçinin ezamiyyə əmrinin layihəsi hazırlanır və imzalanmaq üçün təqdim edilir. Yaxşı olar ki, əmrə əlavə kimi ezamiyyə xərclərinin smetası da təsdiq edilmək üçün hazırlansın.

   Bir qayda olaraq təşkilatda aparılan vəzifə bölgüsünə görə, işçinin ezamiyyətə göndərilməsi ilə bağlı xərclərin ilkin smetasını mühasib tərtib edir və onu baş mühasiblə razılaşdırır. Razılaşdırmadan sonra smeta təsdiq olunmaq üçün təşkilatın rəhbərinə təqdim edilir. Ancaq prosedurların sayını azaltmaq və sadələşdirmək məqsədilə təklif edirik ki, xidməti ezamiyyə xərclərinin smetası əmrlə birgə təsdiq olunsun. Smetanın hazırlanmasını isə mühasibatlıq icra edə bilər.

Blank “Alov” MMC

ƏMR

№________

Yevlax şəhəri                                    ____ ________________2019-cu il

İşçinin xidməti ezamiyyətə göndərilməsi haqqında

«Alov» MMC ilə “Atəş” MMC arasında bağlanılmış 15 dekabr 2018-ci il tarixli, 156/AS№-li alğı-satqı müqaviləsinə və “Alov” MMC-nin İnformasiya texnologiyları şöbəsinin müdiri Əliyev Nazim Kazım oğlunun “Atəş” MMC-də quraşdırılacaq avadanlıqlara proqram təminatının yazılması zərurəti barədə 12 avqust 2019-cu il tarixli xidməti yazısına uyğun olaraq  

ƏMR EDİRƏM:

1. «Alov» MMC-nin İnformasiya texnologiyaları şöbəsinin aparıcı mütəxəssisi Sadıqov Qabil Cavad oğlu quraşdırılan avadanlıqlara proqram təminatı yazmaq məqsədilə 16 avqust 2019-cu il tarixdən 19 avqust 2019-cu il tarixinə kimi, 4 (dörd) gün müddətinə “Atəş” MMC-nin Bakı şəhərində yerləşən zavoduna ezam olunsun.
2. İşçinin xidməti ezamiyyət xərclərinin smetası təsdiq olunsun (Smeta əmrə əlavə olunur).
3. Baş mühasib Səlimova Sultanə Sabir qızı ezamiyyə xərclərinin smetasına uyğun olaraq işçiyə avans pulunun ödənilməsini həyata keçirsin.
4. Əmrin icrasına nəzarət Kadrlarla iş şöbəsinin müdiri Ağazadə Nazlı Həsənağa qızına həvalə olunsun.

Qoşma: Ezamiyyə xərclərinin smetası, 1 vərəq, 1 nüsxə.

 Direktor ________ Nəbili N.N.

Əmrlə tanış oldum:

Baş mühasib___________Səlimova S.S. 

Tarix: _____ _____________

İT şöbəsinin aparıcı mütəxəssisi___________Sadıqov Q.C. 

Tarix: _____ _____________

2021-ci ilin fevral ayında satışda olacaq kitablar:

1) "Vergi Məcəlləsi: Ümumi hissəsinin izahı" -qiymət 45(40) manat   (Satışına start verilib)

2) Vergi Qanunvericiliyi Toplusu - qiymət 30 (25) manat

3) Vergi uçotu: A-dan Z-yə kitabı (III nəşr) - qiymət 40 (35) manat (Satışına start verilib)

4) Vergi Məsələləri: Testlər - qiymət 35 (30) manat

5) Əməyin uçotu: A-dan Z-yə kitabı - qiymət 45 (40) manat

6) Əmək Qanunvericiliyi Toplusu - qiymət 30 (25) manat

7) Əmək Münasibətləri: Testlər - qiymət 35 (30) manat

8) “A-dan Z-yə Kargüzarlıq” (III nəşr) - qiymət 40 (35) manat (Satışı davam edir)

Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.

Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.

Qeyd 3. Kitabların qiymətinə istənilən ünvana çatdırılma və CD-disk daxildir. Test nəşrləri üçün CD-diskdə onlayn test yerləşdirilib.

Sifarış üçün əlaqə vasitələri: 050-368-12-72, 012-564-86-85 və ya [email protected]