Nihat Əliyevin təqdimatında: Əmək qabiliyyətinin müvəqqəti itirilməsinə görə müavinətlərin icbari ödənişlərə cəlb edilməsi

Qanunvericilikdə əmək qabiliyyətinin müvəqqəti itirilməsinə görə müavinətlərin ödənilməsi nəzərdə tutulub. Bəs həmin müavinətlərdən hansı növ icbari tutulmalar həyata keçirilir? Suala insan resurslarının idarə olunması üzrə mütəxəssis Nihad Əliyev aydınlıq gətirir.

Nazirlər Kabinetinin 15 sentyabr 1998-ci il tarixli 189 saylı qərarına əsasən, sığortaolunanların əmək qabiliyyətinin müvəqqəti itirilməsi halında itirilmiş əməkhaqqının, gəlirlərin və əlavə xərclərin tam və ya qismən kompensasiya edilməsi məqsədilə əmək qabiliyyətinin müvəqqəti itirilməsinə görə müavinət almaq hüquqları var. Burada itirilmiş əməkhaqqının tam və ya qismən kompensasiya edilməsi qeyd olunmasa da, Əmək Məcəlləsinin 157-ci maddəsinə əsasən, əmək qabiliyyətinin müvəqqəti itirilməsi halında ödənilən müavinətlər işçinin əməkhaqqına daxil edilmir: maddədə əməkhaqqı anlayışı vəzifə maaşını, əlavələri və mükafatları əhatə edir.

Qeyd edək ki, əmək qabiliyyətinin müvəqqəti itirilməsi ilə əlaqədar ödənilən müavinətlər, Vergi Məcəlləsinin 102.1.4-cü maddəsinə əsasən, fiziki şəxslərin gəlir vergisinə cəlb olunur, lakin məcburi dövlət sosial sığortaya cəlb olunmur.

“Sosial Siğorta haqqında” Qanunun 15-ci maddəsinə əsasən, əmək qabiliyyətinin müvəqqəti itirilməsi ilə əlaqədar ödənilən müavinətlər məcburi dövlət sosial sığorta haqqlarına cəlb olunan gəlir növlərinə daxil edilməyib. Buna görə də həmin müavinətlərdən məcburi dövlət sosial sığortası tutulmur.

Bundan əlavə, “İşsizlikdən sığorta haqqında” və “Tibbi siğorta haqqında” qanunlara əsasən də əmək qabiliyyətinin müvəqqəti itirilməsi ilə əlaqədar ödənilən müavinətlər işsizikdən sığorta üzrə sığorta tariflərinə və icbari tibbi siğorta üzrə sığorta tariflərinə cəlb olunmur.

Fərqanə ALLAHVERDİQIZI

Vergiler.az

2021-ci ilin fevral ayında satışda olacaq kitablar:

1) "Vergi Məcəlləsi: Ümumi hissəsinin izahı" -qiymət 45(40) manat   (Satışına start verilib)

2) Vergi Qanunvericiliyi Toplusu - qiymət 30 (25) manat

3) Vergi uçotu: A-dan Z-yə kitabı (III nəşr) - qiymət 40 (35) manat (Satışına start verilib)

4) Vergi Məsələləri: Testlər - qiymət 35 (30) manat

5) Əməyin uçotu: A-dan Z-yə kitabı - qiymət 45 (40) manat

6) Əmək Qanunvericiliyi Toplusu - qiymət 30 (25) manat

7) Əmək Münasibətləri: Testlər - qiymət 35 (30) manat

8) “A-dan Z-yə Kargüzarlıq” (III nəşr) - qiymət 40 (35) manat (Satışı davam edir)

Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.

Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.

Qeyd 3. Kitabların qiymətinə istənilən ünvana çatdırılma və CD-disk daxildir. Test nəşrləri üçün CD-diskdə onlayn test yerləşdirilib.

Sifarış üçün əlaqə vasitələri: 050-368-12-72, 012-564-86-85 və ya [email protected]