Əmək kitabçasının xərcini kim ödəməlidir: dövlət, işəgötürən, yoxsa işçi?

Yaxın zamanlarda satışda olacaq "Əmək Qanunvericiliyi və Şərhlər Toplusu 2020" (II nəşr) kitabından seçmə

Əmək kitabçasının xərcinin ödənilməsi vəzifəsi fərqli hallarda işçi və işəgötürənin üzərinə düşür. Əgər işəgötürən yeni işçiyə əmək kitabçası alırsa, o zaman əmək kitabçasının (əlavə içliyin) xərci işçi tərəfindən ödənilir. Bu cür hallarda adətən işçinin əmək haqqından tutulma edilir.

Ancaq ola bilər ki, işəgötürən bu xərci işçidən tutmasın, özü ödəsin. Bu, işəgötürənin seçimindən asılıdır.
Əmək kitabçasının əldə olunması xərcinin mütləq işəgötürən tərəfindən ödənilməsi isə o halda baş verir ki, əmək kitabçası və ona əlavə içlik işəgötürənin təqsiri üzündən xarab olsun.
Qeyd edək ki, əmək kitabçasının qiyməti 1,72 manatdır.

Vergi Məcəlləsində və “Sosial sığorta haqqında” qanunda -02 iyun 2020-ci il tarixinə nəzərdə tutulan bütün dəyişikliklərin şərh edildiyi, Anar Bayramovun müəllifi olduğu “Vergi uçotu: A-dan Z-yə” kitabı