Əmək məzuniyyəti haqqının düzgün hesablanmamasına görə cərimə hansı hallarda hesablanır?

İşəgötürən işçinin əmək məzuniyyətinin düzgün hesablanaraq ödənilməsinə cavabdehdir. İşəgötürən məzuniyyətin hesablanması zamanı yol verilən hər hansı səhvə görə İnzibati Xətalar Məcəlləsinə görə məsuliyyət daşıyır. Yanlız bir istisna var, o da həmin səhvin riyazi hesablamalar nəticəsində yol verilən nöqsan hesabına baş verməsidir.

İnzibati Xətalar Məcəlləsinin 192.4-cü maddəsinə əsasən, işçinin əmək və məzuniyyət haqlarının hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsinə görə- vəzifəli şəxslər yeddi yüz manatdan min beş yüz manatadək məbləğdə cərimə edilir.
Hansı halların riyazi səhv hesab olunmasına aydınlıq gətirək:
- İşçiyə əmək məzuniyyət üçün ödəniş hesablanan zaman orta əmək haqqı göstəricisində məzuniyyət haqqı nəzərə alınmayıb.
Açıqlama: DƏMX yoxlamaları zamanı inzibati Xətalar Məcəlləsinin 192.4-cü maddəsinə uyğun olaraq cərimə tətbiq olunacaq.
- İşəgötürən işçinin məzuniyyət haqqının hesablanması zamanı səhv olaraq məzuniyyət məbləğini düzgün köçürməyib.
Açıqlama: DƏMX yoxlamaları zamanı məlum olub ki, orta əmək haqqının hesablanması zamanı nəzərə alınan və alınmayan ödənişlər düzgün müəyyən edilib. Sadəcə ödənişlərin toplanması zamanı riyazi səhvə yol verildiyindən yekun məzuniyyət haqqı düzgün ödənilməyib.
Bu hal yoxlamalar zamanı müəyyən olunarsa, işçiyə məzuniyyət haqqının fərqi ödəniləcək, amma İnzibati Xətalar Məcəlləsinin 192.4-cü maddəsinə uyğun olaraq cərimə tətbiq olunmayacaq.