Müşviq Əmircanovdan Nihat Əliyevin hesablanmasına fərqli yanaşma

İnsan resursları üzrə tanınmış mütəxəssis Müşfiq Əmircanov digər HR mütəxəssisi Nihat Əliyevin məzuniyyət günlərinin Novruz Bayramına təsadüf etdiyi halda hesablanmasına dair fikirlərinə fərqli yanaşıb. Qeyd edək ki, Nihat müəllim bildirib ki, işçi 01 - 21 mart daxil olmaqla əmək məzuniyyətindən istifadə etdikdə,  işçinin işə çıxma tarixi 27 Mart 2020-ci il olmalıdır. 

Müşfiq müəlim bildirib ki, işçi 21 günlük məzuniyyət hüququndan istifadə etdikdə, işə başlanma tarixi 27 yox, 28 mart olmalıdır: " İlk növbədə məzuniyyətdəki bayram günlərinin nəzərə alınmamasının məntiqinə diqqət yetirək: Bayram günlərindən istifadənin itirilməsi ilə bağlı həmin günlərin kompensasiyası. Nihat müəllimin variantında işçi bu istifadədən məhrum edilir. Bir də Əmək Məcəlləsində "məzuniyyət uzadılır" ifadəsi yoxdur, "daxil edilmir" ifadəsi var. Əgər martın 1-dən 21-nədək məzuniyyət verilirsə faktiki məzuniyyət günləri (daxil edilməyən bayram günləri çıxılmaqla) 18 gün olduğundan ödəniş də 18 günə görə ödənilməlidir. Əgər işçi 21 məzuniyyət günü istəyirsə, məzuniyyətin bitmə tarixi 27 mart 2020-ci il tarixi olacaq və işçi 28 mart 2020-ci il tarixdə işə çıxmalıdır."