İşçinin ezamiyyətə getmə və ya qayıtması istirahət günləri təsadüf etməsi necə tənzimlənir?

Ezamiyyə ilə bağlı maraqlı məqamlardan biri də, işçinin ezamiyyəyə getmə və ya geri dönmə günlərinin bayram və ya istirahət günərinə təsadüf etməsidir. Qaydalarda qeyd edilir ki, təşkilat rəhbərinin tapşırığı ilə işçinin ezamiyyətə getdiyi və ezamiyyətdən qayıtdığı gün (günlər) istirahət və ya iş günü hesab edilməyən bayram gününə (günlərinə) düşərsə, həmin gün (günlər) üçün işçiyə əmək qanunvericiliyi ilə müəyyən edilmiş qaydada əlavə əmək haqqı və ya əlavə istirahət günü (günləri) verilir.

Həmçinin qaydalarda o da qeyd edilir ki, ezam olunan işçilərə ezam olunduqları təşkilatların iş vaxtının rejimi və istirahət vaxtı tətbiq edilir.
Misal. Tutaq ki, işəgötürən işçinin həftənin cümə günü ezamiyyə göndərib və işçi növbəti həftənin şənbə günü geri qayıtmalıdır. Bu zaman, işçiyə qaydaların tələbinə uyğun olaraq, ezamiyyədə olduğu şənbə və bazar günlərinə görə yox, ezamiyyədən qayıtma tarixinin şənbə gününə təsadüf etməsinə, əlavə iş saatı kimi əmək haqqı hesablanmalıdır və ya əlavə istirahət günləri verilməlidir.