İşəgötürən işçinin razılığı ilə onun əmək haqqısını tam olaraq istifadə edə bilər?

Əmək və Əhalinin Sosial Müdafiəsi Nazirliyinin Əmək siyasəti şöbəsinin müdiri Əbülfət Məhərrəmov işəgötürənin işçinin avans aldığı məbləğini onun əmək haqqısının tutulmasının maksimum məbləğinə aydınlıq gətirib: “Əmək Məcəlləsinin 176-cı maddəsinə əsasən, hər dəfə əmək haqqı verilərkən tutulan bütün məbləğlərin ümumi miqdarı işçiyə verilməli olan əmək haqqının iyirmi faizindən və müvafiq qanunvericilikdə nəzərdə tutulmuş hallarda isə əlli faizindən artıq ola bilməz. Təbii ki, istisna hallarda (alimentlərin tutulması, sağlamlığa vurulmuş ziyanın ödənilməsi və s.)  tutulmanın ümümi miqdarı artıq olmasına qanunvericilik icazə verir.  Fikrimcə, bu cür məhdudiyyətlər işəgötürən tərəfindən aparılan məcburi tutulmalara aid edilir.

Amma işçi öz vəsaitinin hər hansı şəxsə ödənilməsi ilə bağlı işəğötürənə ərizə ilə müraciət edirsə, bu zaman Məcəlləninin 176-ci maddəsində qeyd edilən məhdudiyyətlər tətbiq olunmamalıdır.  Çünki işçi öz iradəsi ilə sərəncamında olan vəsaitin harasa yönəldilməsinə qərar verir. Nazirliyə bu tip suallar çox daxil olur ki, işəgötürən işçinin ərizəsi əsasında əmək haqqının çox hissəsini onun hər hansı borcuna (kredit, borc və s.) ödənilməsinə həyata keçirə bilərmi? Mövqeyimiz budur ki, işçinin razılığı əsasında köcürülən vəsaitə hər hansı məhdudiyyət tətbiq olunmamalıdır.  O cümlədən də, işəgötürən işçiyə gələcək aylarda hesablanacaq əmək haqqı öncədən ödədiyi halda, tərəflərin razılığı ilə hər aylıq məbləğdən avans şəkildə tutulmaların məbləğinə məhdudiyyət tətbiq olunmayacaq.”