Əbülfət Məhərrəmovun təqdimatında: Müfəttişliyin işəgötürənləri cərimələməsi prosesi

Əmək və Əhalinin Sosial Müdafiəsi Nazirliyinin Əmək siyasəti şöbəsinin müdiri Əbülfət Məhərrəmov Dövlət Əmək Müfəttişliyi Xidməti tərəfindən tətbiq olunan cərimələrin rəsmiləşdirilməsi hallarına da aydınlıq gətirib: “Nazirliyin Əmək siyasəti şöbəsi ilə Dövlət Əmək Müfəttişliyi Xidməti sıx əməkdaşlıq edir.  DƏMX tərəfindən işəgötürənlərə cərimələr tətbiq olunmamışdan öncə ciddi formada araşdırma aparılır. DƏMX əməkdaşının işəgötürənə hər hansı cərimə tətbiq etməsini bildirməsi o anlama gəlmir ki, mütləq inzibati xəta haqqında protokol tərtib olunacaq.

DƏMX əməkdaşları tərəfindən tətbiq olunacaq inzibati xətaya görə cərimələr mərkəzi aparatın məsul şəxsi tərəfindən yoxlanılacaq.  Həmin məsul şəxs əmin olmalıdır ki, cərimə düzgün tətbiq edilib və sonradan hər hansı məhkəmə predmeti olması ehtimalı yoxdur və ya azdır.  Hər hansı işəgötürən məhkəmədə Nazirliyə qalib gələrsə, bu zaman Nazirliyin rəhbərliyi irad tutur ki, niyə işəgötürənə haqsız yerə inzibati xəta protokolu tərtib olunub. Nazirlik dəqiq və tam faktlar olduğu halda işəgötürənə cərimə tətbiq edir.”

Qeyd edək ki, bu fikirlər  Mks.az saytının təşkilatçılığı 11 yanvar 2020-cu il tarixdə keçirilən "Əmək Məcəlləsi: sadəddən mürəkkəbə" adlı ödənişsiz seminarda səsləndirilib.