Əmrlərin qeydiyyatı necə həyata keçirilməlidir?

İşçilәrinin sayı yüzdәn çox olan böyük tәşkilatlarda isә işçi heyәti ilә bağlı әmrlәrin miqdarı çox olduğundan hәr növ әmrlәr kadrlar xidmәtinin struktur vahidlәrindә yaranır vә qeydiyyatdan keçirilir. Ona görә dә belә tәşkilatlarda mәqsәdyönlü şәkildә әmrlәrin hәr bir növünü fәrqlәndirmәk üçün indeks sistemlәri yaradılır.
QF – fәhlәlәrin işә qәbulu;
QM – mütәxәssislәrin işә qәbulu;
E – ezamiyyәt;
ED – daxili ezamiyyәlәr;
EX – xarici ezamiyyәlәr;
MӘ - әmәk mәzuniyyәti;
MÖ – ödәnişsiz mәzuniyyәt vә sair.

Bu indekslәşdirmә sistemi şәrtidir, siz әmrlәri başqa hәrflәrlә dә işarә edib fәrqlәndirә bilәrsiniz. Bütün hallarda qaydanı (mexanizmi) әmrlә rәsmilәşdirin ki, hәm rәhbәrlik, hәm dә işçilәr mәlumatlı olsunlar vә sәhvә yol vermәsinlәr. Bәzilәrinin aksioma kimi sәslәndirdiyi “hәr yerdә belәdir, ona görә bizdә belә nömrәlәyirik” kimi fikirlәri unudun. Hәr bir tәşkilat sәnәdlәrin tәrtibi vә rәsmilәşdirilmәsi ilә bağlı qaydaları daxili normativ aktla (mәsәlәn, kargüzarlıqla vә ya kadr kargüzarlığı ilә bağlı tәlimatla) tәsdiq etsә, daha doğru olar.