İşçi gündə 2 saat işlədiyi halda məzuniyyət günləri necə hesablanır?

Natamam iş vaxtı ilə çalışan işçilərin məzuniyyət günlərinin necə tənzimlənməsi də maraq doğuran məsələdəndir. Əmək Məcəlləsinin 114-cü maddəsinin 4-cü hissəsinə əsasən, natamam iş vaxtı (natamam iş günü və ya natamam iş həftəsi) şəraitində işləyən işçilərə əmək məzuniyyəti tam iş vaxtı şəraitində işləyən işçilərə verilən əmək məzuniyyəti müddətində, yerinə yetirdikləri və ya çalışdıqları vəzifəyə uyğun olaraq verilir.

Misal. “A” MMC-nin satış departamentində çalışan iki işçinin birinin gündəlik iş saatı 8 saat, digərininki isə 2 saatdır. İkinci işçinin iş saatı digərindən 4 dəfə az olmasına baxmayaraq, hər ikisi üçün əmək məzuniyyəti 21 gün müəyyyən edilməlidir. İşçinin tam və ya natamam iş vaxtı ilə işləməsindən asılı olmayaraq, məzuniyyət günlərinin sayı dəyişmir.