Sәnәdlәr kargüzarlıqdan idarә arxivinә hansı müddәtdә tәhvil verilmәlidir?

Normativ-hüquqi aktların tәlәblәrinә görә, Milli arxiv fondunun tәrkibinә daxil edilәn sәnәdlәr, o cümlәdәn uzun müddәt saxlanılan (10 ildәn artıq) vә şәxsi heyәtә aid sәnәdlәr idarәnin kargüzarlığında icrası başa çatdıqdan sonra bir ildәn tez vә üç ildәn gec olmayaraq idarә arxivinә tәhvil verilir. Ancaq burada bir istisna da nәzәrdә tutulub ki, mülki vәzifәlәrdә qulluq keçmiş vә işdәn azad olunmuş işçilәrin kadr işinә aid sәnәdlәri daha artıq müddәtdә struktur bölmәlәrdә saxlanıla bilәr.

Müvәqqәti saxlanma müddәtli (10 ildәn az) sәnәdlәr isә idarә arxivinә tәhvil verilmir, müәyyәn olunmuş saxlanma müddәtlәri başa çatanadәk struktur bölmәlәrdә saxlanılır. Struktur bölmәlәrdә bu növ sәnәdlәrin saxlanması üçün yer mәhdud olduqda istisna hal kimi, idarә rәhbәrinin qәrarı ilә işlәrin siyahıları vә ya işlәrin nomenklatur siyahısı әsasında idarә arxivinә tәhvil verilә bilәr.