İşçi işəgötürənə iki xəstəlik vərəqəsi təqdim etdikdə, müavinət necə hesablanır?

Satışda olan "Əmək Münasibətləri: A-dan Z-yə" kitabından seçmə

Tutaq ki, «AA» firmasında çalışan Əliyev Nazim Məmməd oğlu 01.10.2019-cu il tarixindən 26.10.2019-cu il tarixinə kimi əmək qabiliyyətini müvəqqəti itirmək haqqında xəstəlik vərəqəsini işəgötürənə təqdim edib. 27.10.2019-cu il tarixində işçi işə çıxsa da, 03.11.2019-cu il tarixində yenidən halı pisləşib və 30.11.2019-cu il tarixinə kimi əmək qabiliyyətini itirdiyindən yenidən xəstəlik vərəqəsini işəgötürənə təqdim edib. 01.12.2019-cu il tarixində isə normal əmək fəaliyyətinə başlayıb.  Bu halda işçinin birinci və ikinci xəstəlik vərəqəsi fasilələrlə təqdim olunduğundan, daha doğrusu, işçinin əmək qabiliyyətinin itirilməsi dövrləri arasında fasilələr olduğundan, O, 27.10.2019-cu il tarixindən 03.11.2019-cu il tarixinə kimi işlədiyi üçün firma tərəfindən iki dəfə 14 günün müavinəti verilir və qalan günlər isə DSMF orqanları tərəfindən ödənilir. Belə ki, 01.10.2019-cu il tarixindən 26.10.2019-cu il tarixinə kimi 26 günün 14 gününə düşən hissəsinin müavinətini firma, qalan hissəsini isə DSMF orqanları ödəyəcək. Həmçinin, 03.11.2019-cu il tarixindən 30.11.2019-cu il tarixinə kimi olan 27 günün 14 gününə düşən
hissəsini firma, qalan hissəsini isə DSMF ödəyəcək.