Fərqli iş rejimdə əmək məzuniyyəti necə hesablanır? (Misalla izah)

27 sentyabr 2019-cu il tarixdən satışda olacaq "Əmək Münasibətləri: A-dan Z-yə" (VII nəşr) kitabından seçmə

Misal. İşçi 15 gün dənizdə çalışır və növbəti 15 gün evdə olur. Sual meydana çıxır ki, həmin işçinin əmək məzuniyyəti məsələləri necə tənzimlənməlidir. Qeyd edək ki, əmək müqaviləsinin şərtlərinə əsasən işçi 15 gün işləməsinə baxmayaraq əmək haqqı tam ay üçün nəzərdə tutulur. Belə ki, onun əmək fəaliyyəti evdə olduğu 15 gündə də aktiv sayılır. Sadəcə, iş şəraitinə görə 15 gün işdə və 15 gün evdə sayılır. Əmək məzuniyyəti də işçinin artıq işəgötürənlə olan razılaşmasından asılıdır. Ola bilsin ki, evdə olduğu müddətdə məzuniyyətdə olsun və ya işdə olacağı müddətdə işəgötürənlə razılaşmaqla əmək məzuniyyətinə çıxsın.

Bir məqamı də nəzərdən qaçırmayaq ki, belə işçilərin əmək məzuniyyəti 30 gündən az olmur. Belə olan halda tam ay əmək məzuniyyətinə çıxdıqda 15 gün evdə olan və 15 gün işdə olan dövr tam əhatə olunur.