Hansı halda əmək şəraitinin dəyişdirilməsi əmək müqaviləsinə xitam üçün əsas ola bilməz?

27 sentyabr 2019-cu ildən satışda olacaq "Əməyin uçotu: A-dan Z-yə" kitabından seçmə

Öncəki səhifələrdə qeyd etdiyimiz kimi, Əmək Məcəlləsi işəgötürənə verir ki, işçinin əmək şəraitinə əlavə şərtlər də daxil edə bilər. Misal üçün, işçiyə artıq məzuniyyət günlərinin verilməsi vəya əlavə iş saatının yüksək əmsallarla hesablanması və s. Əgər işəgötürən əmək şəraitinin əlavə şərtlərinin dəyişidirilməsinə qərar verirsə yəni mütəxəssis üçün 40 günlük əsas məzuniyyət günü 30 günə aşağı salarsa, bu zaman bir aydan öncədən məlumat verməyə ehtiyac yoxdur.

Əmək Məcəlləsinin 56-ci maddəsində qeyd olunur ki, Əmək Məcəllənin 55-ci maddəsində nəzərdə tutulan şərtlər olduğu halda, işəgötürənin əmək şəraitlərinin dəyişdirilməsi haqqında xəbərdarlığ verməsi məcburi xarakter daşımır. Bundan əlavə, əmək qanunvericiliyin tələblərinə uyğun olaraq, işəgötürən tərəfindən müəyyən edilən əmək şəraitinin əlavə şərtlərinin dəyişdirilməsi əmək müqaviləsinə xitam verilməsi üçün əsas ola bilməz.

Misal: “A” MMC 01 yanvar 2018-ci il tarixdə qərar verir ki, işçilərin əsas məzuniyyəti günlərinə 5 gün əlavə olunsun. 01 oktyabr 2019-cu ildə isə qərar verir ki, işçilərin əmək şəraitinin yaxşılaşdırılması məqsədilə ilə verilən əlavə məzuniyyət günləri ləğv edilsin. Təbii ki, məzuniyyət günlərin dəyişməsi ilə bağlı hər iki tərəfin razılığı olmalıdır. Amma işçi bu dəyişikliyə razılığ vermədiyi halda, bu əmək müqaviləsinin xitamına əsas ola bilməz.