Əmək Məcəlləsinə dəyişiklik: Əmək müqaviləsinin rəsmiləşdirilməsində 2 VACİB MƏQAM (2-ci YAZI)

Xəbər verdiyimiz kimi, Əmək Məcəllənin 163 maddəsinə redaktə, düzəliş və əlavə tipli dəyişikliklər ediləcək. Mks.az saytının ekspertləri dəyişiklikləri haqqında silsilə yazılar hazırlayacaq. İlk yazımız istifadə edilməmiş məzuniyyətə görə hesablanan kompensasiya ilə bağlı olmuşdusa, bu yazımızda əmək müqaviləsinin rəsmiləşdirillməsi haqqında məlumat verəciyik.

Əmək Məcəlləsinin "Əmək müqaviləsinin forması" adlı 44-cü maddəsinə aşağıdakı dəyişiklik təklif edilir:

44-cü maddənin 3-cü hissəsi aşağıdakı redaksiyada verilsin:

 ―3. Əmək müqaviləsi iki nüsxədən az olmayaraq tərtib olunur. Müqavilənin bütün səhifələrini tərəflər imzalayır. Son səhifə işəgötürənin möhürü ilə təsdiq edilir. Müqavilənin bir nüsxəsi işçidə, digər nüsxəsi isə işəgötürəndə saxlanılır.  İşçinin əmək müqaviləsinin nüsxəsini alması işəgötürəndə saxlanılan nüsxədə bu barədə müvafiq qeydi imzalaması ilə təsdiq edilməlidir..

Dəyişiklikdən sonra maddənin yeni variantı aşağıdakı kimi olacaq:

Maddə 44. Əmək müqaviləsinin forması

1. Əmək müqaviləsi yazılı formada bağlanır.
2. Tərəflərin razılığı ilə əmək müqaviləsi bu Məcəlləyə əlavə edilmiş nümunəvi formaya uyğun tərtib edilir.
3. Əmək müqaviləsi iki nüsxədən az olmayaraq tərtib olunub tərəflərin imzası (möhürü) ilə təsdiq edilir və onun bir nüsxəsi işçidə, digər nüsxəsi isə işəgötürəndə saxlanılır.
   3. Əmək müqaviləsi iki nüsxədən az olmayaraq tərtib olunur. Müqavilənin bütün səhifələrini tərəflər imzalayır. Son səhifə işəgötürənin möhürü ilə təsdiq edilir. Müqavilənin bir nüsxəsi işçidə, digər nüsxəsi isə işəgötürəndə saxlanılır.  İşçinin əmək müqaviləsinin nüsxəsini alması işəgötürəndə saxlanılan nüsxədə bu barədə müvafiq qeydi imzalaması ilə təsdiq edilməlidir..

 Yekun:  Dəyişikliyə əsasən, əmək müqaviləsinin rəsmiləşdirilməsi ilə bağlı 2 VACİB MƏQAM daxil edilib. Birincisi,  Müqavilənin bütün səhifələri həm "İşəgötürən" həm də "İşçi" tərəfindən İmzalanmalıdır. İkincisi isə odur ki, Əmək müqaviləsində işçinin əmək müqaviləsinin nüsxəsini alması barədə qeydi mütləq qeydi olmalıdır.

Vergi Qanunvericiliyi və Şərhlər Toplusu 2019 kitabı ARTIQ SATIŞDA