Böyük prokuror mühasibləri korrupsiyadan çəkindirməyin yollarını göstərdi

Azərbaycan Respublikasının Baş prokuroru yanında Korrupsiyaya qarşı Mübarizə İdarəsinin böyük prokuroru Elnur Musayev mühasiblərin korrupsiya ilə bağlı cinayət əməllərinə yol verməməsi üçün görülən tədbirlərdən danışıb: “Adətən, bu cür məsələlərdə beynəlxalq təcrübədə tətbiq olunan ən yaxşı praktiki üsulları nəzərə almaq olar. Bura cavabdehliyin artırılması, səlahiyyətlərin dəqiqləşdirilməsi, müvafiq qanunvericilik aktlarının qəbul olunması, etik davranış qaydalarının tətbiqi və dürüstlük mədəniyyətini formalaşmasını aid etmək mümkündür. Dövlətimiz tərəfindən qanunvericilik təkmilləşdirilərək sadələşdirildiyi halda, məsuliyyət tədbirləri də sərtləşdiriləcək”.

Qeyd edək ki, Elnur Musayev bu fikirləri 28-29 aprel 2018-ci il tarixlərində keçirilən, mks.az-ın rəsmi media tərəfdaşı olduğu Milli Mühasiblər Forumunun sessiyasında spikerlərin təqdimat zamanı səsləndirib.