Dividend məsələsi bağlı XƏBƏR: Dividendin rəsmiləşdirilməsi hansı formada aparılmalı və ödənilməlidir?

Mks.az saytının eksperti, sərbəst auditor Altay Cəfərovun təqdimatında

Sual: Dividendin cixarılması qaydası necədir? Mənfəət vergisi ödənildikdən sonra qalan məbləgdən 10% dividend vergisi ödəyib, məbləgi direktorun hesabına köçürə bilərəm? Zəhmət olmasa, sənədləşdmə haqqında da məlumat verərdiniz.

Meri Hümbətova

Cavab: Əlbəttə, xalis mənfəətin 10%-ni divident vergisi kimi hesablayıb ödədikdən sonra, dividenti təsisçilərə ödəmək olar. Direktora yox, təsisçilərə ödəniş olunur. Əgər direktor, eyni zamanda vahid təsisçidirsə, onda ona ödəniş etmək olar. Bu zaman təsisçinin və ya təsisçilərin qərarı lazımdır. Qaydalara görə, bu, kifayətdir. Amma banklar bəzən əlavə sənədlər də tələb edirlər. Ödəmə mənbəyində vergi bəyannaməsini, bəzi hallarda illik mənfəət vergisi bəyannaməsini istəyirlər. Amma sizin dividentiniz və onu ödəmək hüquqi yaranıbsa, təsisçinin qərarı kifayətdir.