Mühasiblərin diqqətinə! Prezidentin təsdiq etdiyi Dövlət Proqramında Mühasibatlıq baxımdan İNQİLABİ DƏYİŞİKLİK

Azərbaycan Respublikası Prezidenti İlham Əliyevin 2018-ci il 26 sentyabr tarixli Sərəncamı ilə “2018–2020-ci İLLƏRDƏ AZƏRBAYCAN RESPUBLİKASINDA RƏQƏMSAL ÖDƏNİŞLƏRİN GENİŞLƏNDİRİLMƏSİ ÜZRƏ DÖVLƏT PROQRAMI” təsdiq edilib.  
Dövlət Proqramının strateji məqsədi vətəndaş, biznes subyektləri və dövlət strukturları arasında nağdsız ödəniş mühitinin xeyli genişlənməsi, nağd dövriyyənin həcminin minimuma endirilməsi və nəticədə bank sektorunun maliyyə resursları bazasının gücləndirilməsidir.

Həmkarlarımız üçün «RƏQƏMSAL ÖDƏNİŞLƏRİN İNSTİTUSİONAL MÜHİTİNİN DAHA DA YAXŞILAŞDIRILMASI» bölməsinin  “Vergi sisteminin effektivliyinin artırılması” bəndi maraqlı olacağını nəzərə alaraq, bəzi məlumatlara aydınlıq gətirmək istəyirik.

Dövlət Proqramının tədbirlər planında qeyd olunub ki, Əsas icraçı Maliyyə Nazirliyi  Vergilər Nazirliyinin tövsiyyəsini nəzərə alınmaqla "Vahid Mühasibatlıq Sistemi" yaradacaq.  Bu prossesin icra müddəti olaraq  2018-2020-ci illər qeyd edilib. 

Tədbirlər planına uyğun olaraq, prosseslər aşağıdakı şəkildə həyata keçiriləcək:

• “Vahid Mühasibatlıq Sistemi”nin tətbiq edilməsi;
• Bütün vergi ödəyicilərinin “Vahid Mühasibatlıq Sistemi”nə keçidi imkanları təhlili;
• elektron mühasibatlığın tətbiqinin genişləndirilməsi təşviqi;
• Kiçik və orta ölçülü şirkətlərin yeni mühasibatlıq sisteminə rahat keçidini təmin etmək üçün mərhələli miqrasiya planı hazırlanmasi;
• Kiçik ölçülü təşkilatların miqrasiya planının hazırlanmasında iştirakı təmin edilməsi.