Mühasib vəzifəsi gələcəkdə ləğv olunarsa, işsiz qalmamaq üçün nə etməli?

ARPA-nın icraçı direktoru Əli Bayramovdan mühasiblərə faydalı məsləhət

Xəbər verdiyimiz kimi, Vergilər Nazirliyinin Rəqəmsal vergi inzibatçılığı departamentinin İnformasiya təhlükəsizliyi şöbəsinin rəhbəri Aqşin Məcidov bildirib ki, vergi bəyannamələrinin avtomatik hazırlanması ilə bağlı işlər aparılır: “Vergilər Nazirliyi əlaqəli dövlət qurumları arasında elektron inteqrasiya sistemini təkmilləşdirməklə vergi bəyannamələrinin ödəyicilərin əməliyyatları əsasında vergi orqanları tərəfindən ilkin versiyasının hazırlanaraq təsdiq üçün vergi ödəyicisinə göndərilməsi üzərində iş aparır."

Təəssüf ki, əksər müəssiələrdə mühasibat uçotu vergi uçotu üzərindən aparıldığına görə, Vergilər Nazirliyinin bu addımı gələcəkdə mühasib vəzifəsinin əməliyyatçılarla əvəz olunmasına səbəb ola bilər. Azərbaycan Mühasiblər və Risk Peşəkarları Assosiasiyasının icraçı direktoru Əli Bayramov saytımıza müsahibəsinə bu məsələ ilə bağlı mühasiblərə faydalı məsləhət vermişdi: “ Dünya təcrübəsində müəssisələr, adətən mühasib xidmətlərini kənardan cəlb edilən (outsourcing) şirkətlərə həvalə edirlər. Düşünmürəm ki, bu, mükəmməl variantdır. Əsla istəmirəm ki, mühasiblərimiz işsiz qalsınlar, amma onları mühasiblə yanaşı, maliyyəçi olmağı çağırıram. Çünki maliyyəçi olmaq onlara daha geniş imkanların yaradılmasını təmin edəcək. Mühasibatlığın elektronlaşması dövrümüzün tələbidir və burda qətiyyən heç bir neqativ məsələ yoxdur. Mühasibatlığı bir az daha dar çərçivə hesab etsək, mühasib maliyyəçi olmaqla baxışlarını daha böyüdəcək ki, bu da yekunda onun əməyinin dəyərinin artmasına səbəb olacaq.”

MÜHASİBAT UÇOTU 2018 YENİDƏN İŞLƏNİLMİŞ IV NƏŞR SATIŞDA

Mühasiblərin stolüstü kitabı:  - Standartların sadə dildə izahı, 1000-dən çox müqayisəli müxabirləşmə