Əmək qanunvericiliyi üzrə işçinin icazə alma halı necə tənzimlənir?

Mks.az saytının eksperti Günel Səlimovanın təqdimatında

Sual: Salam. İşçi rəhbərlikdən gün ərzində qısa müddətli (2-3 saatlıq) icazə istərsə, bu hal necə tənzimlənməlidir.
Mahmud Quliyev
Cavab: Öncə qısa müddətli icazə məsələsinin nə olduğunu dəqiqləşdirək. İşçi ilə imzalanmış əmək müqaviləsinə əsasən, o, gündə 8 saat, həftədə 40 saat çalışmalıdır. Əgər işçi gün ərzində, tutaq ki, 4 saat işləsə, artıq əmək müqaviləsinin şərtlərini pozacaq. İşçinin bir gün 4 saat az işləməsi əmək müqaviləsinin şərtinin dəyişilməsi hesab olunur. Belə bir dəyişikliyin olması isə yalınz işəgötürənin razılığı ilə baş tuta bilər. Bunun üçün işçi işəgötürənin adına ərizə yazmalı və konkret

tarix göstərilməklə, əmək funksiyasından 4 saatlıq azad olunmasını xahiş etməlidir. İşəgötürən razılıq verdiyi təqdirdə işçi həmin tarixdə 4 saat az işləyə bilər. Müəssisənin Tabel uçotu cədvəlində da həmin gün üçün 4 saat qeyd olunmalıdır.
Bu məsələ ilə bağlı digər bir rəsmiləşdirmə forması da va. Bu da tam iş günü əmək funksiyasından azad olmaqla ödənişli və ya ödənişsiz məzuniyyətdən istifadədir.  Ancaq məsləhət görərdik ki, bu tip icazələr zamanı, rəsmiləşdirmə və məzuniyyət uçotu baxımdan ödənişsiz məzuniyyətdən istifadə edilsin.