Kassa sənədlərinə kimlər imza atmalıdırlar?

Satışı davam edən "Vergi uçotu: A-dan Z-yə" kitabından seçmə

Azərbaycan Respublikası Nazirlər Kabinetinin 30 sentyabr 2020-ci il tarixli, 365 nömrəli Qərarı ilə “Vergi ödəyicilərində nağd pul vəsaitinin uçotu və kassa əməliyyatlarının aparılması qaydasının 4.8-ci maddəsinə əsasən, xəzinədar kassa (pul) sənədlərində imza etmək səlahiyyəti olan vəzifəli şəxslərin və ya onların səlahiyyətli nümayəndələrinin imza nümunələri ilə və kassa (pul) sənədlərinin rəsmiləşdirilməsində istifadə edilməsi nəzərdə tutulmuş möhürlə (ştampla) vergi ödəyicisinin və ya onun bu sahəyə rəhbərlik edən struktur bölməsinin rəhbəri tərəfindən təmin edilir.

Vergi ödəyicisi kassa sənədlərinə imza etmək səlahiyyəti olan şəxsləri müəyyən etməlidir. Mümkündür ki, kassa mədaxil (məxaric) orderinə rəhbərin özü yox, səlahiyyətli nümayəndəsi imza etsin. Eyni hal baş mühasiblə bağlı rəsmiləşdirməyə də aiddir. O səbəbdən də vergi ödəyicisi daxili sənədlə kassa (pul) sənədlərində imza etmək səlahiyyəti olan vəzifəli şəxslərin və ya onların səlahiyyətli nümayəndələrini müəyyən etməlidir. Həmçinin, vergi ödəyicisi kassa (pul) sənədlərinin rəsmiləşdirilməsində istifadə edilməsi nəzərdə tutulmuş möhürlə (ştampla) xəzinədarı təmin etməlidir.