Orta əmək haqqı iki üsulla necə hesablanılır? (Misalla izah)

Satışda olan "Əmək Qanunvericiliyi və Şərhlər Toplusu 2020" kitabından seçmə

İndi isə misal üzərindən Əmək Məcəlləsinin 177-ci maddəsinin tələbləri üzrə orta əmək haqqının hesablanmasını izah edək:
Birinci variant:

Misal. Aylıq əmək haqqı 400 manat olan işçi 30 oktyabr 2019-cu il tarixdə qan verdiyi üçün bir gün müddətində işdən azad olunub. İşçinin avqust və sentyabr aylarında əmək haqqı 400 və 450 manat təşkil edib. İşçinin bir günə düşən orta əmək haqqını hesablayarkən onun avqust və sentyabr ayları üzrə əmək haqları toplanaraq, müvafiq aylardakı iş günlərinin sayına bölünür.
Orta əmək haqqı = (400 manat (avqust ayı üzrə əmək haqqı) + 450 manat (sentyabr ayı üzrə əmək haqqı)) / (20 iş günü (avqust ayı üzrə iş günlərinin sayı) + 21 iş günü (sentyabr ayı üzrə iş günlərinin sayı) = 20,73 manat.
İndi isə işçinin oktyabr ayı üzrə əmək haqqını hesablayaq:
Aylıq əmək haqqı= Oktyabr ayında işlədiyi günlərə görə əmək haqqı + 1 günlük əmək haqqı = (400 x 22 iş günü) / 23 günü (oktyabr ayı üzrə iş günlərinin sayı) + 20.73 manat (1 günlük orta əmək haqqı) = 382.61+20.73= 403.34 manat
İkinci variant:
Bu variant əsasən işdənçıxma müavinətinin ödənilməsi zamanı tətbiq olunur:
Misal. İşçi 15 oktyabr 2019-cu il tarixdə vəfat etdiyi üçün əmək müqaviləsinə xitam verilib. İşçinin avqust və sentyabr aylarında əmək haqqı 400 və 450 manat təşkil edib.
Müavinətin hesablanması üçün orta əmək haqqının hesablanması əvvəlki iki ayın əmək haqqları toplanaraq 2-yə bölünür.
Orta aylıq əmək haqqı = ((sentyabr ayı üzrə əmək haqqı) + (avqust ayı üzrə əmək haqqı))/2= (400+450)/2= 425 manat
İşçinin vəfatı ilə bağlı ödəniləcək dəfn müavinəti 1 275 (425 manat x 3 misli) manat təşkil edəcək.
Qeyd edək ki, orta əmək haqqı hesablanarkən Nazirlər Kabinetinin 126 saylı qərarının tələbləri nəzərə alınmalıdır.
Bir məsələni də vurğulayaq, ikinci variant təcrübədə istifadə olunsa da, əmək qanunvericiyində bu cür hesablama ilə bağlı konkret istinad yoxdur.