Məcburi dövlət sosial sığorta ayırmalarını rüblük ödəmək mümkündür?

Vergi ödəyicisi sadələşdirilmiş vergini hər rübdən sonrakı ayın 20-nə kimi ödəməlidir. Bəs, məcburi dövlət sosial ayırmaları necə, aylıq, yoxsa rüblük hesablanmalıdır? “Sosial sığorta haqqında” Azərbaycan Respublikası Qanununun 14.6-cı maddəsinə əsasən, məcburi dövlət sosial sığorta haqqı hər ay üçün hesablanır.

Ödənişə gəlincə isə, məcburi dövlət sosial sığorta haqqı əmək haqqı və digər gəlirlər üzrə ödənişlərlə eyni vaxtda, lakin sonrakı ayın 15-dən gec olmayaraq, tam məbləğdə, yalnız nağdsız hesablaşma qaydasında ödənilməlidir.
Misal. Tutaq ki, vergi ödəyicisi iyun ayı üzrə hesablanmış 36 manatlıq məcburi dövlət sosial ayırmasını iyul ayının 21-i ödəyib. “Sosial sığorta haqqında” qanuna əsasən, vergi ödəyicisi iyun ayı üzrə məcburi dövlət sosial sığorta ayırmasını iyulun 15-dən gec olmayaraq ödəməli olduğu halda, 5 gün gecikdirdiyi üçün, hər gecikdirilmiş günə məbləğin 0,1 faizi qədər penya hesablanır. Bizim misalda, vergi ödəyicisinin qeyd edilən tarixə artıq ödəməsi olmasa, ona 0,18 manat (36 manat x 0,1 faiz x 5 gün) faiz hesablanacaq.

"Elektron qaimə-faktura", "Əmək münasibətləri", "Sosial ödənişlər", "İşsizlikdən sığorta",  "Əlavə dəyər vergisi" ,"Gəlirdən çıxılan və çıxılmayan xərclər" və s. bölmələrin də olduğu