Cinayət Məcəlləsinə ƏMƏK MÜQAVİLƏLƏRİ bağlı YENİ, daha SƏRT dəyişiklik?

Milli Mühasiblər Forumunun 27 yanvar 2019-cu il tarixdə “Vergi Məcəlləsində edilən dəyişikliklərin Mühasibat Uçotuna təsirinin hərtərəfli professional izahı” mövzusunda keçirdiyi təlimdə “Mühasibat uçotu” jurnalının baş redaktoru, vergilər üzrə ekspert Əflatun Babayev əmək müqavilələri ilə bağlı maraqlı açıqlama verib: "Cinayət Məcəlləsinə əsasən 10 nəfər və ondan daha çox olan işçini əmək müqaviləsiz işə cəlb etməyə görə işəgötürənə cinayət işi açıla bilər. Məndə olan məlumata görə, Cinayət Məcəlləsinə dəyişiklik nəzərdə tutulur ki, hətta bir nəfər işçini əmək müqaviləsiz işə cəlb etdikdə, cinayət işi açılsın. Bu səbəbdən də vergi ödəyicilərinə bu məsələyə diqqət yetirmələrini məsləhət görürəm."
Qeyd edək ki, Cinayət Məcəlləsinin "Əmək müqaviləsi (kontraktı) hüquqi qüvvəyə minmədən işçilərin hər hansı işlərin (xidmətlərin) yerinə yetirilməsinə cəlb edilməsi" adlı 162-1-ci maddəsinə əsasən, Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən xeyli sayda (on nəfər və ondan çox) işçilərin hər hansı işlərin (xidmətlərin) yerinə yetirilməsinə cəlb edilməsi yeddi min manatdan on min manatadək miqdarda cərimə və ya iki ilədək müddətə islah işləri və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrumetmə ilə cəzalandırılır.

Vergi Qanunvericiliyi və Şərhlər Toplusu 2019 kitabı ARTIQ SATIŞDA