Vergi elementlərinin (vergitutma obyekti, bazası və s.) misalla izahı

Satışı davam edən “Vergi Məcəlləsi. Ümumi hissənin izahı” kitabından seçmə

İndi isə misallar üzrə vergi elementlərini daha aydın izah edək.

Mİsal 1. Vergi ödəyicisi pərakəndə ticarətlə məşğul olur və sadələşdirilmiş vergi ödəyicisi hesab edilir. Vergi ödəyicisinin 2020-ci ilin 3-cü rübündə təqdim edilmiş mallara (işlərə, xidmətlərə) və əmlaka görə əldə edilmiş ümumi hasilatı 40 000 manat olub. Misalımıza uyğun olaraq, verginin müəyyən edilməsi üçün vergitutma elementləri aşağıdakı kimi müəyyən edilir:

- vergitutma obyekti

Misalımizda sadələşdirilmiş verginin vergitutma obyekti vergi ödəyicisinin təqdim edilmiş mallara (işlərə, xidmətlərə) və əmlaka görə əldə edilmiş ümumi hasilatdır.

- vergitutma bazası

Misalımızda  vergitutma obyekti vergi ödəyicisinin təqdim edilmiş mallara (işlərə, xidmətlərə) və əmlaka görə əldə etdiyi ümumi hasilat olduğu üçün, vergitutma bazası 40 000 manat olacaq. Çünki vergitutma bazası vergitutma obyektinin vergi tutulan hissəsinin kəmiyyətcə ifadəsidir.

- vergi dövrü

Misalımıza uyğun olaraq, vergi dövrü 2020-ci ilin 3-cü rübü hesab ediləcək.

 - vergi dərəcəsi

Pərakəndə ticarət fəaliyyəti ilə məşğul olunan vergi ödəyiciləri üçün sadələşdirilmiş vergi dərəcəsi  2 faiz (müvəqqəti vergi rejimi dövründə 1 faiz) təşkil edir.

-verginin hesablanması qaydası

Sadələşdirilmiş verginin hesablanması üçün vergitutma bazasını vergi dərəcəsinə vurmaq lazımdır. Misalımıza uyğun olaraq sadələşdirilmiş vergi 800 manat (40 000 (vergitutma bazası) x 2 faiz (sadələşdirilmiş verginin dərəcəsi)) təşkil edəcək.

- verginin ödənilməsi qaydası və müddəti

Vergi qanunvericiliyinə əsasən sadələşdirilmiş vergi hesabat dövründən sonrakı ayın 20-dən gec olmayaraq ödənilməlidir.

Mİsal 2. Vergi ödəyicisinin 2019-cu il üzrə mənfəəti 25 000 manat təşkil edib. Vergi ödəyicisinin mənfəət vergisi 5000 manat (25000 manat x 20 faiz) təşkil edib.

Misalımıza uyğun olaraq, vergitutma elementlərini müəyyən edək:

vergitutma obyekti – 2019-cü il üzrə mənfəət;

vergitutma bazası - 2019-cü il üzrə mənfəətin məbləği -25 000 manat ;

vergi dövrü – 2019-cü il;

vergi dərəcəsi – mənfəət vergisinin dərəcəsi – 20 faiz;

verginin hesablanması qaydası – mənfəət məbləğinin vergi dərəcəsinə hasili - 25000 manat x 20 faiz;

verginin ödənilməsi qaydası və müddəti – Vergi qanunvericiliyinə əsasən, mənfəət vergisi növbəti ilin 31 mart tarixinə kimi dövlət büdcəsinə ödənilməlidir.

2021-ci ilin may ayında satışda olacaq kitablar: