İsmayıl Bağırovdan ƏDV-nin vaxtı ilə bağlı detallı açıqlama

Naxçıvan Universtitetinin müəllimi, Vergilər Nazirliyinin əməkdaşı, “Vergi Məcəlləsinin xüsusi hissəsinin praktiki izahı” kitabının müəllifi İsmayıl Bağırov sosial şəbəkədə ƏDV ilə bağlı sualı cavablandırıb. Həmkarlarımız üçün maraqlı olacağını nəzərə alaraq, həmin sual-cavabı təqdim edirik:

Sual: ƏDV ödəyicisi olan şirkətin mayın 30-da ƏDV daxil olmaqla ümumi dəyəri 3.540 manat olan göstərdiyi xidmətlərin dəyərinin, ƏDV daxil olmaqla 2.360 manatı əvvəlcədən mayın 28-də, 1.180 manatı isə mayın 31-də ödənilmişdir. Vergi ödəyicisi göstərilmiş xidmətlərin ümumi dəyərinə elektron vergi hesab-fakturasını iyunun 3-də vermişdir. Mayın 28 də ödənilən avans iyunun hesabatına aiddir?

İsmayıl Bağırovun cavabı:
Bu tipli məsələdə 2 məqama fikir verilməlidir.
Birincisi, mal göndəriləndən 30 gün ərzində nə vaxt pul ödənilibsə, həmin tarix götürülür, yox əğər 30 gündən gec ödənilibsə, onda vergi hesab-fakturanın tarixinə baxılır, əgər faktura 5 gün ərzində yazılıbsa, fakturanın tarixi götürülür, yox əgər faktura 5 gündən gec yazılıbsa, onda malların göndərildiği tarix vergi tutulan əməliyatın vaxtı sayılır.
İkincisi, əgər avans varsa, yəni əvvəldən ödəmə avans verildiyi tarixdən 5 gün ərzində faktura yazılıbsa, fakturanın yazıldığı tarix götürülür, yox əgər faktura 5 gündən gec yazılıbsa, onda avansın verildiği tarix vergi tutulan əməliyyatın vaxtı sayılır.
Bu misalda xidmətin 1180 manatı (ƏDV-li) martın 30-da görülüb və dəyəri martın 31-də ödənilib, yəni, bir gün sonra 30 gün daxilində olduğu üçün 180 manat ƏDV mart ayına düşür, xidmətin 2360 manatı (ƏDV-li) avans olduğu üçün, yəni xidmət göstərilməmişdən əvvəl martın 28-də ödənildiyi üçün fakturanın yazıldığı tarixə baxırıq. Hesab-faktura aprelin 1-də, avansın ödəndiği tarixdən 5 gün ərzində yazıldığı üçün 360 manat ƏDV aprel ayına düşür.

Satışda olan nəşrlərimiz:  

1) Əmək Münasibətləri: A-dan Z-yə