Sadələşdirilmiş vergi ödəyicisi olan zaman alınan malların ƏDV ödəyicisi olduqda təqdim edilməsi necə tənzimlənməlidir?

Dövlət Vergi xidməti suala aydınlıq gətirir

Sual: Sadələşdirilmiş verginin ödəyicisi kimi mağazamda ərzaq mallarının parakəndə satışı fəaliyyəti liə məşğulam. 01.04.2023-cü il tarixdən ƏDV qeydiyyatına düşmək istəyirəm. ƏDV qeydiyyat tarixinə kimi (yəni 01.04.2023-cü il tarixədək, sadələşdirilmiş verginin ödəyicisi olduğum dövrdə) aldığım anbarda qalan mallar 01.04.2023-cü il tarixdən sonra (yəni ƏDV ödəyicisi olduğum dövrdə) satılarkən ƏDV-yə necə cəlb olunacaq, ƏDV ticarət əlavəsindən hesablanacaq, yaxud malların tam dəyərindən? Misal üçün 01.04.2023-cü il tarixə anbarda 1000 manatlıq mal (malın dəyəri 900.0 manat, ticarət əlavəsi 100 manat) olsa, həmin malı ƏDV ödəyicisi olduğum dövrdə satsam büdcəyə nə qədər ƏDV hesablanacaq? 

Cavab:  Bildiririk ki, Vergi Məcəlləsinin 159.1-ci maddəsinin müddəalarına əsasən malların təqdim edilməsi, işlərin görülməsi, xidmətlərin göstərilməsi, Azərbaycan Respublikası ərazisində istehsal olunan kənd təsərrüfatı məhsullarının pərakəndə satışı zamanı tətbiq edilən ticarət əlavəsi və vergi tutulan idxal ƏDV-nin vergitutma obyektidir.

Həmçinin bildiririk ki, sadələşdirilmiş verginin ödəyicisi olan dövrdə ƏDV-yə cəlb edilən əməliyyat nəticəsində əldə edilən malların ƏDV-nin məqsədləri üçün qeydiyyata alındıqdan sonra təqdim edilməsi ƏDV tutulan əməliyyat sayılır.