Əmanətlərin Sığortalanması Fondunun direktorundan faiz dərəcəsinin artırılmasına dair açıqlama

Faiz dərəcəsi 9-a endiriləndə bildirmişdiniz ki, bankları yüksək faizlə əmanət cəlb etməkdən çəkindirmək istəyirsiniz. Bəs indi 12 faiz bu cəhdi yenidən stimullaşdırmayacaq?

Doqquz ay öncə qorunan əmanətlər üzrə faiz dərəcəsinin maksimum həddi 10%-dən 9%-ə endirilmişdi. Faiz dərəcəsi 12-dən düşüb 9 faizdə qərar tutmuş, Əmanətlərin Sığortalanması Fondu faiz dərəcələrini endirməklə bankları yüksək faizli əmanət cəlb etməkdən çəkindirmək məqsədi güddüyünü açıqlamışdı. Bu il fevralın 24-dən isə banklarda yerləşdirilən, qorunan əmanətlər üzrə faiz dərəcəsinin maksimum həddi 9 -dan 12-yə qaldırılıb.

Əmanətlərin Sığortalanması Fondunun direktoru Azad Cavadov AzadlıqRadiosuna müsahibəsində yeni qərarın səbəblərindən danışıb:

- 2013-cü ilin avqustunda qorunan əmanətlərin faiz dərəcəsi 12-dən 10-na, ötən ilin mayında isə 10-dan 9-a endirilmişdi. Sadəcə, qorunmayan əmanətlərin həcmi daha çox idi. Banklar daha yüksək faizlə əmanət cəlb etdiyindən qorunmayan əmanətin həcmi artmışdı. Buna görə də faiz dərəcəsinin artırılması məqsədəuyğun sayıldı.

- Faiz dərəcəsi 9-a endiriləndə bildirmişdiniz ki, bankları yüksək faizlə əmanət cəlb etməkdən çəkindirmək istəyirsiniz. Bəs indi 12 faiz bu cəhdi yenidən stimullaşdırmayacaq?

- Banklar faiz dərəcəsini onsuz da yüksəltmişdi. 1.4 milyardlıq vəsait qorunmamış vəsaitdir. Biz faiz dərəcəsini endirəndə banklar bizi izləmədi. Biz isə bazarı izləyirik. Görürük ki, banklar faiz dərəcəsini artırıb. Əmanətçilərin maraqlarını qorumaq üçün faiz dərəcəsini artırdıq.

- Yəni, bunun manatın inflyasiyası ilə əlaqəsi yoxdur?

- Xeyr, yoxdur. İnflyasiya ilə bağlı məsələlər Mərkəzi Bankın və dövlətin yeritdiyi siyasətə aiddir, bizim məqsədimiz əmanətçilərin marağını qorumaq və bank sisteminin stabilliyinə dəstək olmaqdır.

- Qorunan əmanətlərin məbləği 30 min manata qədərdir. Limitin artırılması necə, gözlənilir?

- Təhlillər aparırıq. Qəti bir söz demək olmaz. Faiz dərəcələri ilə bağlı da təhlillər apardıq, dinamika göstərirdi ki, 3-cü və 4-cü rübdə qorunmayan əmlakların həcmi artıb. Bu ilin iki ayı üzrə banklardan məlumatı alanda gördük ki, artım dinamikası davam edir. Hər rübdə faiz dərəcəsi, həm də həcmlə bağlı vəziyyəti öyrənirik. Qorunan əmanətlərin limitinin artırılıb-artırılmayacağını da bazar göstərəcək.

YENİ NƏŞR: ƏMƏK QANUNVERİCİLİYİ TOPLUSU - 2015

“Monitor Konsaltinq Servis”in əməkdaşları dəyərli həmkarlarının - mühasiblərin, iqtisadçıların, hüquqşünasların çoxsaylı müraciətlərini nəzərə alaraq “Əmək qanunvericiliyi toplusu - 2015” kitabını nəşrə hazırlayıb  “Əmək qanunvericiliyi - 2015” kitabında son dəyişikliklər nəzərə alınmaqla Əmək Məcəlləsi, Nazirlər Kabinetinin əmək qanunvericiliyi ilə bağlı mühüm qərar və qaydaları, 2015-ci ilin İş və İstehsalat normaları, Əmək Məcəlləsinə edilən son dəyişikliklərin şərhi, yeni əmək müqaviləsinin nümunəvi forması daxil edilib.  Sadalananlarla yanaşı,  Dövlət Əmək Müfəttişliyi Xidmətinin 4, Dövlət Sosial Müdafiə Fondunun isə  1 aktual suala verdikləri rəsmi cavablar, əmək müqaviləsinin elektron qeydiyyatı ilə bağlı 30 mühüm sualın cavabı da kitaba yerləşdirilib.

Kitabın üzərində hədiyyə kimi verilən CD isə həmişəki kimi Sizin işinizi daha da asanlaşdıracaq. Siz  proqramdakı “Axtarış” menyusunun köməyi ilə istənilən söz və ya ifadələri başlıqda və mətnin içərisində tapa bilərsiniz. İnanırıq ki, digər nəş kirlərimiz kimi “Əmək qanunvericiliyi toplusu - 2015” kitabı da oxucular və mütəxəssislər tərəfindən rəğbətlə qarşılanacaq və iqtisadçıların stolüstü kitabına çevriləcək.

Kitabı əldə etmək üçün əlaqə vasitələrinizi [email protected] email adressinə vəya 012-437-32-67 və ya 050-265-72-65 saylı telefonla bildirərdiniz ki, kitabı ödənişsiz olaraq Sizə çatdıraq.