Azərbaycanın yeni tarixində “Vahidbank”, “Mərhəmətbank” kimi xoşagəlməz təcrübələr olub...

 

Azərbaycan Mərkəzi Bankının sədri Elman Rüstəmov əhalini ciddi narahat edən kredit faizlərinin yüksək olmasının səbəblərini izah edib. Fins.az-ın məlumatına görə, AZTV-yə müsahibə verən baş banker istehlak kreditlərinin yüksək faiz dərəcələri ilə verildiyini etiraf edib. Baş bankirin sözlərinə görə, banklar kreditlərin faizlərini müəyyən etməkdə sərbəstdirlər: “Kreditlərin faiz dərəcəsi müştəri ilə bank arasında bağlanılan müqavilə ilə tənzimlənir və banklar bu məsələdə sərbəstdirlər».

 

«Təminatsız kreditlərin baha olması təbiidir»

Bununla yanaşı, E.Rüstəmov xatırladıb ki, faiz dərəcələrinin yüksək olması istehlak kreditlərində müşahidə edilir, bu isə təbiidir: «Söhbət əsasən istehlak kreditlərindən gedir. Bu kreditlər adətən hansı məqsədlə götürülməsindən asılı olmayaraq vətəndaşlara yüksək faiz dərəcələri ilə ayrılır. Çünki müştərilərdən heç bir təminat tələb olunmur. Burada heç bir bürokratiya, sənədlər, gəlir mənbələri və s. göstərilmir. Bank üçün risk böyükdür. Beynəlxalq təcrübədə də belə kreditlər - zənglə verilən kreditlər, sms-lə və ya kredit kartlarına verilən kreditlərin faizləri yüksəkdir".

 

«Kreditlərin ucuzlaşmasına çalışırıq»

AMB rəhbəri rəhbərlik etdiyi qurumun istehlak kreditlərinin ucuzlaşmasına çalışdığını bildirib: «Biz bu problemi bilirik və banklarla aktiv şəkildə işləyirik ki, istehlak kreditləri ucuzlaşsın. Bankların kredit portfelinin 75%-ni təşkil edən biznes kreditləri 10-12%-lə verilir və son 3-4 ildə bu sahədə ciddi ucuzlaşma hiss olunur. İstehlak kreditləri ilə bağlı da iş aparılır”.

 

«Sələmçilər arta bilər»

Elman Rüstəmov onu da deyib ki, bəzi ölkələrdə kredit və əmanət faizlərinin yuxarı həddi müəyyən edilir, amma bu təcrübə Azərbaycan üçün arzuolunan deyil: “Həmin ölkələrdə pullar açıq bankçılıqdan kənarlaşır, kölgə bankçılığına yönəlir, sələmçilik inkişaf edir, bu da ciddi problemdir. Burada dövlətin nəzarəti zəifdir. Azərbaycanın yeni tarixində “Vahidbank”, “Mərhəmətbank” kimi xoşagəlməz təcrübələr olub. Buna görə də bizi bazarın tamamilə iqtisadi yolla qanun qaydada tənzimlənməsinin tərəfdarıyıq”.

 

YENİ NƏŞR: ƏMƏK QANUNVERİCİLİYİ TOPLUSU - 2015

“Monitor Konsaltinq Servis”in əməkdaşları dəyərli həmkarlarının - mühasiblərin, iqtisadçıların, hüquqşünasların çoxsaylı müraciətlərini nəzərə alaraq “Əmək qanunvericiliyi toplusu - 2015” kitabını nəşrə hazırlayıb  “Əmək qanunvericiliyi - 2015” kitabında son dəyişikliklər nəzərə alınmaqla Əmək Məcəlləsi, Nazirlər Kabinetinin əmək qanunvericiliyi ilə bağlı mühüm qərar və qaydaları, 2015-ci ilin İş və İstehsalat normaları, Əmək Məcəlləsinə edilən son dəyişikliklərin şərhi, yeni əmək müqaviləsinin nümunəvi forması daxil edilib.  Sadalananlarla yanaşı,  Dövlət Əmək Müfəttişliyi Xidmətinin 4, Dövlət Sosial Müdafiə Fondunun isə  1 aktual suala verdikləri rəsmi cavablar, əmək müqaviləsinin elektron qeydiyyatı ilə bağlı 30 mühüm sualın cavabı da kitaba yerləşdirilib.

Kitabın üzərində hədiyyə kimi verilən CD isə həmişəki kimi Sizin işinizi daha da asanlaşdıracaq. Siz  proqramdakı “Axtarış” menyusunun köməyi ilə istənilən söz və ya ifadələri başlıqda və mətnin içərisində tapa bilərsiniz. İnanırıq ki, digər nəş kirlərimiz kimi “Əmək qanunvericiliyi toplusu - 2015” kitabı da oxucular və mütəxəssislər tərəfindən rəğbətlə qarşılanacaq və iqtisadçıların stolüstü kitabına çevriləcək.

Kitabı əldə etmək üçün əlaqə vasitələrinizi [email protected] email adressinə vəya 012-437-32-67 və ya 050-265-72-65 saylı telefonla bildirərdiniz ki, kitabı ödənişsiz olaraq Sizə çatdıraq.