![](/upload_files_old/items/cache/a49997f0847f52b612b418155ce5b4a3_L.jpg)
Parlament Vergi Məcəlləsinə dəyişikliklər layihəsinə düzəliş edəcək
Mks.az saytının həyata keçirdiyi tematik təlimdə əksər vergi ödəyicilərinin narazılığına səbəb olan dəyişikliyə düzəliş edildi
Xəbər verdiyimiz kimi, 1 yanvar 2022-ci ildən Vergi Məcəlləsində dəyişikliklər nəzərdə tutan qanun layihəsi Milli Məclisdə I oxunuşdadır. Qanun layihəsi ilə bağlı parlament müzakirələrində bəzi təklif səsləndirilib, bu barədə həmkarlarımıza kifayət məlumat vermişik.
Mks.az saytıın əldə etdiyi məlumat əsasən, belə təkliflərin biri də, vergi ödəyicilərinin vergi orqanına təqdim edəciyi məlumat forması ilə bağlıdır. Qanun layihəsində nəzərdə tutulur ki,vergi ödəyicisinin vəzifəsinə idxal edəcəyi mallar haqqında vergi orqanına məlumat vermək vəzifəsi də əlavə olunsun. Bu dəyişiklik təklifi ilə bağlı vergi ödəyicilərinin narazılığı ondan ibarətdir ki, gömrük komitəsinə qısa idxal bəyannaməsi verən şəxslər təkrar olaraq niyə vergi orqanına idxalla bağlı məlumat təqdim etməlidir.
Qanun layihəsində yazılır: “Neft-qaz sahəsində fəaliyyəti olan və ya dövlət sektoruna aid edilən, habelə “Yaşıl dəhliz” buraxılış sistemindən istifadə edən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə müvafiq icra hakimiyyəti orqanının müəyyən etdiyi orqan (qurum) (İqtisadiyyat Nazirliyi)tərəfindən təsdiq edilən formada aşağıdakı məlumatları malların gömrük nəzarətindən çıxdığı vaxtadək qeydiyyatda olduğu vergi orqanına vermək vəzifəsi müəyyən edilmişdir:
- mallar digər şəxslərə məxsus yerlərdə məsuliyyətli mühafizəyə və ya saxlanca verildiyi halda tərəflər arasında bağlanmış müqavilə və malların saxlanma yeri barədə;
- mallar sifariş əsasında gətirildiyi halda sifariş verən şəxslər barədə (sifarişçi vergi ödəyicisi olduqda VÖEN-i, fiziki şəxs olduqda adı, soyadı, atasının adı və FİN-i) və hər bir sifarişçi üzrə sifarişin məbləği barədə.”
Sevindirici haldır ki, layihədəki dəyişikliyə parlamanetdə aşağıdakı şəkildə düzəliş olunması təklif edilir: “Vergi ödəyiciləri tərəfindən idxal ediləcək mallar həmin vergi ödəyicisinin vergi orqanında uçota alınmış təsərrüfat subyektinə (obyektinə) boşaldılacağı halda bu maddədə nəzərdə tutulan məlumat forması vergi orqanına təqdim edilmir.”
Bu da o deməkdir ki, vergi ödəyicisi idxal edəcəyi malları vergi orqanında uçota alınmış təsərrüfat subyektinə (obyektinə) boşaldacağı halda qanun layihəsində təklif olunan yeni məlumat formasını vergi orqanına təqdim etməyəcək.
Bundan əlavə, Dövlət Gömrük Komitəsinin “Yaşıl dəhliz” buraxılış sistemindən istifadə edən vergi ödəyiciləri üzərinə də idxalla bağlı məlumatları vergi orqanına təqdim etmək vəzifəsi qoyulmayacaq.
Hal-hazırda satışı davam edən NƏŞRLƏRİMİZ
1) "Vergi Məcəlləsi: Ümumi hissəsinin izahı" -qiymət 45 (40) manat (Satışına start verilib)
2) Vergi uçotu: A-dan Z-yə kitabı (V nəşr) - qiymət 40 (35) manat (Satışına start verilib)
3) Əməyin uçotu: A-dan Z-yə kitabı - qiymət 45 (40) manat (Satışına start verilib)
4) “A-dan Z-yə Kargüzarlıq” (IV nəşr) - qiymət 40 (35) manat (Satışına start verilib)
5) Vergi Qanunvericiliyi və Testlər Toplusu - qiymət 35 (30) manat (Satışına start verilib)
6) Əmək Qanunvericiliyi və Testlər Toplusu - qiymət 35 (30) manat (Satışına start verilib)
Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.
Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.
Qeyd 3. Kitabların qiymətinə istənilən ünvana çatdırılma və CD-disk daxildir.
Sifarış üçün əlaqə vasitələri: 050-368-12-72, 012-564-86-85 və ya