Çərşənbə axşamı, 11 Fevral 2020 07:28

Banklar bütün tip vergi ödəyiciləri haqqında məlumatı vergi orqanına təqdim etməlidir?

Vergi Məcəlləsinə son dəyişikliklərdə yeni – 76.1-1-ci maddə əlavə edilib. Maddədə deyilir ki, bu Məcəllənin 76.1-ci maddəsinin müddəalarından asılı olmayaraq, vergi ödəyicisinin vergi öhdəliklərinin müəyyən edilməsi məqsədilə ƏDV qeydiyyatında olan vergi ödəyicilərinin şəhadətnamə-dublikat əsasında açılmış hesabları üzrə aparılmış əməliyyatlar barədə aylıq məlumatlar banklar tərəfindən elektron qaydada hər ay bitdikdən sonra növbəti ayın 10-dək müvafiq icra hakimiyyəti orqanının (Azərbaycan Respublikasının Prezidenti) müəyyən etdiyi orqan (qurum) (Azərbaycan Respublikasının İqtisadiyyat Nazirliyi) tərəfindən təsdiq edilmiş formada müvafiq icra hakimiyyəti orqanının (Azərbaycan Respublikasının Prezidenti) müəyyən etdiyi orqana (quruma) (Azərbaycan Respublikasının İqtisadiyyat Nazirliyi) təqdim edilir.

İqtisadçı ekspert Anar Bayramov bildirib ki, "Vergi Məcəlləsində dəyişiklik edilməsi haqqında Qanunun tətbiqi" ilə bağlı fərmana uyğun olaraq Azərbaycan Respublikasının İqtisadiyyat Nazirliyi tərəfindən hazırlabnacaq forma əsasında banklar ƏDV qeydiyyatında olan vergi ödəyicilərinin şəhadətnamə-dublikat əsasında açılmış hesabları üzrə aparılmış əməliyyatlar barədə aylıq məlumatları elektron qaydada hər ay bitdikdən sonra növbəti ayın 10-dək vergi orqanına təqdim edəcəklər.

Bu formanın tətbiq olunmasının əsas səbəbi 1 yanvar 2020-ci il tarixdən əlavə dəyər vergisi (ƏDV) tutulan əməliyyatların aparıldığı vaxt üzrə Vergi Məcəlləsinin 166-cı maddəsinin yeni redaksiyada verilməsidir. 1 yanvar 2020-ci ildən vergi ödəyiciləri ƏDV-ni kassa metoduna uyğun, yəni daxil olan vəsait üzrə hesabladığı üçün vergi orqanı da bank hesablamaları üzrə daxil olan vəsaitləri izləməlidirlər.

Bu səbəbdən banklar yalnız ƏDV ödəyicilərinin şəhadətnamə-dublikat əsasında açılmış hesabları üzrə aparılmış əməliyyatlar barədə bütün məlumatları hər ay vergi orqanına təqdim edəcək. Vergi orqanı banklar tərəfindən təqdim edilən məlumatları vergi ödəyicisinin təqdim etdiyi bəyannamənin göstəriciləri ilə tutuşduracaq. Hər hansı fərqlilik yaranarsa, bu zaman vergi ödəyicisinə kameral yoxlama əsasında bildiriş göndəriləcək.

Hazırladı:
Fəxriyyə İKRAMQIZI

Vergiler.az

"Əmək qanunvericiliyi Toplusu və Şərhlər: 2020" və "Vergi qanunvericiliyi Toplusu və Şərhlər: 2020" kitabı artıq satışda

Sifariş üçün əlaqə nömrələri: 050-368-12-72, 012-564-86-85 vəya Bu email ünvanı spambotlardan qorunur. Onu görmək üçün JavaScripti qoşmaq lazımdır.

Istənilən ünvana çatdırılması ÖDƏNİŞSİZ olaraq həyata keçirilir. Regionlarda yaşayan oxucularımıza dəstək olaraq,poçt xərcini biz ödəyirik.

Kitabın dəyərini nağd və ya nağdsız ödəməklə (hesaba köcürməklə, E-manat terminalından və hesab.az saytından ödəməklə) əldə edə bilərsiniz. Hər iki hala uyğun bütün zəruri sənədlər (mədaxil qəbzi, elektron qaimə-faktura, müqavilə və hesab-faktura, akt və sair) təqdim edilir.

 
 
 

Şərh yazın