Malların email verilməsi və ya emaldan geri qaytarilması zamanı EQF-nin verilməsi necə tənzimlənməlidir?

Satışı davam edən "Vergi Qanunvericiliyi və Şərhlər Toplusu 2020" kitabından seçmə

...

7) malların emala verilməsi barədə

Bu tip elektron qaimə-faktura o zaman təqdim edilir ki, malların emala verilməsi başqa vergi ödəyicisi tərəfindən həyata keçirilsin, yəni emal müəssisə daxilində icra olunmasın.
Misal. “A” MMC 20 000 manatlıq malı emal məqsədilə “B” MMC-yə təqdim edir. “B” MMC malları alıcı, agent və komisyonçu kimi qəbul etmir. Bu zaman artıq “A” MMC malları emala göndərdiyi zaman malların emala verilməsi barədə elektron qaimə-faktura təqdim etməlidir. Bu cür elektron qaimə-faktura həm də onun üçün lazımdır ki, vergi nəzarətləri tədbirləri zamanı həmin malların emalçıda olması malların sahibliyi anlamına gəlməsin və rəsmi sənədlə təsdiqlənsin.

8) emal prosesi keçmiş malların qaytarılması barədə

Bu tip elektron qaimə-faktura o zaman təqdim edilir ki, emal prosesi keçmiş malların geri qaytarılması başqa vergi ödəyicisi tərəfindən həyata keçirilsin, müəssisə daxili proses olmasın.
Misal. “B” MMC email prosesinin həyata keçirilməsi üçün aldığı 20 000 manatlıq malı “A” MMC-yə geri qaytarır. Agent və ya komisyon müqaviləsi üzrə malların geri qaytarılması fərqli elektron qaimə-faktura ilə həyata keçirildiyi kimi, emal prosesi keçmiş malların qaytarılması da digər elektron qaimə-faktura əsasında həyata keçiriləcək. Bu zaman “B” MMC emal prosesi keçmiş malların qaytarılması barədə elektron qaimə-faktura təqdim edəcək.

 "Əmək qanunvericiliyi Toplusu və Şərhlər: 2020" və "Vergi qanunvericiliyi Toplusu və Şərhlər: 2020" kitabı 10 yanvar 2020-ci il  tarixindən satışda