Vergilər Nazirliyinə ezamiyyə ilə bağlı maraqlı sual

Sual: Salam. “İşçilərin ezamiyyə qaydaları”na əsasən mehmanxana xərcləri - işçiyə ezamiyyətdə olduğu müddətdə hər təqvim günü üçün (yolda olduğu müddət nəzərə alınmadan) ödənilir. Bilmək istərdim, əgər işçi bir günlük respublika daxilində ezamiyyətə gedirsə, bu bir günlük ezamiyyət yolda olduğu müddət kimi tanınmır və bu zaman ezamiyyə xərclərinin bir günlük normasının mehmanxana xərcləri üçün müəyyən edilmiş hissəsinin 50 faizini vergi ödəyicisinin gəlirdən çıxılan xərclərə aid edilirmi? Yoxsa 50 faiz mənfəət hesabına silinməlidir?

Rəsulzadə Ülviyyə Orxan, [email protected], Bakı (10.07.2018) 

Cavab: Bildiririk ki, Maliyyə Nazirliyinin müvafiq Qərarına əsasən daimi yaşayış yerinə qayıtmaq imkanı olan ezam olunan işçiyə belə bir yerə ezam olunduğu zaman yalnız müvafiq təsdiqedici sənədlər əsasında yol xərci ödənilir.

İşçinin hər gün ezam olunma yerindən özünün daimi yaşayış yerinə qayıda bilməsi məsələsi hər bir konkret halda məsafənin uzaqlığı, nəqliyyat əlaqəsinin şəraiti, yerinə yetirilən tapşırığın xarakteri, həmçinin də işçiyə istirahət üçün şərait yaradılmasının vacibliyi nəzərə alınmaqla, ezam olunan işçinin işlədiyi təşkilatın rəhbəri tərəfindən həll edilir.

Göründüyü kimi, çəklimiş nəqliyyat xərcləri (ezam olunma yerinə getmək və qayıtmaq, ölkədaxili xərclər) təqdim edilən sənədlər əsasında ödənilir və Nazirlər Kabineti tərəfindən müəyyənləşdirilən norma daxilində faktiki ezamiyyə xərcləri kimi gəlirdən çıxılır.

Bax: Vergi Məcəlləsinin 109.7-ci maddəsi, Azərbaycan Respublikası Maliyyə Nazirliyinin 18 yanvar 2012-ci il tarixli Q-01 nömrəli Qərarı ilə təsdiq olunmuş “İşçilərin Ezamiyyə Qaydaları”.

ALTAY CƏFƏROVUN MÜƏLLİFİ OLDUĞU MÜHASİBAT UÇOTU 2018 YENİDƏN İŞLƏNİLMİŞ IV NƏŞR SATIŞDA

Mühasiblərin stolüstü kitabı:  - Standartların sadə dildə izahı, 1000-dən çox müqayisəli müxabirləşmə