Elektron qaimə-fakturanın imzalar və möhürlə təsdiq edilməsi məcburidir?
Sual: E-qaimə yazmaq üçün Asan imza ilə (və ya başqa üsulla) daxil olunur və həmin imza ilə də yazılan e-qaimə təsdiq olunur. Sual: Müştəriyə təqdim edilməsi üçün yazılmış və Asan imza ilə təsdiq edilmiş e-qaiməni çap edib, imzalar və möhürlə təsdiq edilməsi məcburimidir?
Ənvər Həmidov, [email protected], Bakı (01.06.2018)
Cavab: Bildiririk ki, vergi ödəyicisi alıcıya elektron qaimə-fakturanı gücləndirilmiş elektron imza vasitəsi ilə hazırlayıb təsdiq etdikdən sonra elektron formatda təqdim edir.
Vergi ödəyicisi kimi qeydiyyatda olan, lakin elektron qutusu olmayan alıcıya elektron qaimə-faktura ştrix-kod əks olunmaqla çap edilir və mal (iş, xidmət) hüquqi şəxs olan vergi ödəyicisinin imza və möhürü ilə, fiziki şəxs olan vergi ödəyicisinin isə imzası ilə (möhür olduqda möhürlə) təsdiqlənməklə təqdim edilir.
Bax: Azərbaycan Respublikası Nazirlər Kabinetinin 14 mart 2017-ci il tarixli 89 nömrəli qərarı ilə təsdiq edilmiş “Elektron qaimə-fakturanın tətbiqi, uçotu və istifadəsi Qaydaları”.
Vergi Qanunvericiliyi: Rəsmi Sənədlər və Şərhlər Toplusu SATIŞDA
Yeni nəşrin birinci hissəsində ən son dəyişiklik və əlavələr nəzərə alınmaqla vergi münasibətlərini tənzimləyən normativ hüquqi aktlar (Vergi Məcəlləsi, Nazirlər Kabinetinin qərarları, Prezidentin fərman və sərəncamları, Vergilər Nazirliyinin normativ aktları) yerləşdirilib. Kitabın 8 fəsildən ibarət ikinci hissəsi isə vergi, mühasibatlıq məsələlərinin şərhinə həsr olunub. Bu fəsillərdə Elektron qaimə-faktura, Nağdsız hesablaşmalar, Təsisçidən borc, Gəlirdən çıxılan xərclər, Ezamiyyə, Amortizasiya ayırmaları, Təxirə salınmış vergi öhdəliyi, Elektron ticarət, Gəlir vergisi, Sabit vergi və digər mövzularda şərhlər, açıqlamalar və bu sahəyə nəzarəti həyata keçirən dövlət qurumunun rəsmi mövqeyi yerləşdirilib.
012 564 86 85, 050 368 12 72, [email protected]
.jpg)
.jpg)
0 Komment
Şərh yazın