İşəgötürən əmək kitabçasını mütləq dövlət orqanından almalıdır yoxsa köşklərdən alına bilər?

İşəgötürən əmək kitabçasını mütləq dövlət orqanından almalıdır yoxsa köşklərdən alına bilər?

Satışı davam edən "Əmək Qanunvericiliyi və Şərhlər Toplusu" 2020  (II nəşr) kitabının "Əmək kitabçası, sosial sığorta şəhadətnaməsi və icbari sığorta" bölməsindən seçmə

Əmək qanunvericiliyinə əsasən, əmək kitabçalarının hazırlanması və işəgötürənlərə verilməsi səlahiyyəti Azərbaycan Respublikası Əmək və Əhalinin Sosial Müdafiəsi Nazirliyinə (ƏƏSMN) verilib. Qaydalarda əmək kitabçasının forması, hansı bölmələrdən ibarət olması, hətta üz qabığının hansı rəngə olması konkret göstərilib.
Qaydalara əsasən, üzqabığı yaşıl rəngdə olan əmək kitabçası 10 sm x 14 sm ölçüdən və 4 bölmədən ibarətdir. İlk bölmə üzqabığı, 2-ci bölmə titul vərəqi, 3-cü bölmə iş haqqında məlumat, 4-cü bölmə isə pensiya təyin edilməsi haqqında qeydlərdir. Əmək kitabçasının bölmələrinin doldurulması qaydası barədə təşkilatın digər nəşrlərində - “Əmək münasibətləri: A-dan Z-yə” və “A-dan Z-yə Kargüzarlıq” kitablarında geniş məlumat verilib.

Maraqlıdır, birinci dəfə işləyən işçi özü əmək kitabçası təqdim edərsə, işəgötürən həmin sənədi qəbul edərək qeydlər apara bilər?
Qaydalarda birmənalı şəkildə göstərilir ki, işəgötürənlərə əmək kitabçalarının verilməsi səlahiyyəti ƏƏSMN-dədir. Deməli, işçinin özünün əmək kitabçası təqdim etməsi qanunvericilikdə nəzərdə tutulmayıb.
Təcrübədə işəgötürən və ya işçi tərəfindən əmək kitabçalarının metro keçidlərindən və ya köşklərdən alınaraq işəgötürənə təqdim olunmasına rast gəlinsə də, bu cür hallar qanuna ziddir. Çünki əmək kitabçalarının işəgötürənlərə verilməsi Əmək və Əhalinin Sosial Müdafiəsi Nazirliyi yanında Baş Məşğulluq İdarəsi tərəfindən həyata keçirilir.
İşəgötürən əmək kitabçasının alınması barədə sərbəst formada müraciətlə Əmək və Əhalinin Sosial Müdafiəsi Nazirliyi yanında Məşğulluq İdarəsinə yazılı müraciət edir. Adətən, işçi sayı çox olan təşkilatlar hər bir yeni işçi üzrə yox, planlaşdırılan yeni işçilər üçün dövri olaraq müraciət edərək əmək kitabçası əldə edirlər. Qaydalarda məşğulluq idarəsi tərəfindən əmək kitabçasının hansı müddətdə təqdim olunması qeyd edilməyib. Qaydalarda dublikat əmək kitabçasının 15 gün müddətində təqdim edilməsinin qeyd olunmasından çıxış edərək, bildiririk ki, yeni əmək kitabçası da həmin müddətdən gec verilməməlidir.

Əmək qanunvericiliyi və şərhlər toplusu - 2020” (II nəşr) və  “A-dan Z-yə Kargüzarlıq” (III nəşr) adlı 2 yeni nəşri SATIŞDA

 Sifariş üçün əlaqə nömrələri: 050-368-12-72, 012-564-86-85 vəya [email protected]

 
 
 

0 Komment

    Şərh yazın

    Xəbərlər